భారతీయ విఫణిలోకి వీవో వీ9.. 27నే ముహూర్తం ఫిక్స్..

Posted: 03/09/2018 04:39 PM IST

భారతీయ విఫణిలో చైనా స్మార్ట్ ఫోన్ల విక్రయాలు జోరుగా కొనసాగుతున్నాయి. ఓ వైపు ప్రముఖ ఎలక్ట్రానిక్స్ దిగ్గజ సంస్థల ఉత్పాదనలకు పోటీగా వస్తున్న చైనా సంస్థల ఫోన్లపై భారతీయులు తమ అదరణను చాటుకుంటున్నారు. ఇప్పటికే షియోమీ నెంబర్ వన్ స్థానాన్ని అక్రమించేందుకు రెడీ అవుతుండగా, మరోవైపు చైనా హ్యాండ్‌సెట్ మేకర్ వివో సంస్థకు చెందిన ఫోన్లు కూడా మార్కెట్లలో హల్ చల్ చేస్తున్నాయి. దీంతో వివో సరికొత్త స్మార్ట్‌ ఫోన్‌ను భారత మార్కెట్లో విడుదల చేసేందుకు రెడీ అయింది.

వివో వీ9 పేరుతో వస్తున్న ఈ ఫోన్ అచ్చం యాపిల్ ఐఫోన్ ‘ఎక్స్’ను పోలి ఉంటుందని సంకేతాలను ఇప్పటికే విడుదల కావడంతో తక్కువ ధరకు యాఫిల్ డిజైన్ ఫోన్ ను సోంతం చేసుకోవాలని కలలు కనే వారికి ఇది సదావకాశం అంటున్నారు స్మార్ట్ ఫోన్ ప్రియులు. ఈనెల 27న మార్కెట్లోకి వస్తున్న ఈ ఫోన్ ధర రూ.25 వేలు ఉండే అవకాశం ఉంది. డ్యూయల్ కెమెరా సెటప్ తో వస్తున్న వీ9లో 24 ఎంపీ సెల్ఫీ కెమెరా ఉండడం విశేషం. గతేడాది నవంబరులో వివో వీ7 మార్కెట్లోకి వచ్చింది. ఇందులోనూ 24 ఎంపీ సెల్ఫీ కెమెరా ఉపయోగించారు. ధర రూ.18,990. బార్సిలోనాలో గత నెలలో జరిగిన మొబైల్ వరల్డ్ కాంగ్రెస్‌లో ‘ఎపెక్స్’ పేరుతో ‘ఫుల్ వ్యూ’ స్మార్ట్ ఫోన్ ను ఆవిష్కరించింది.