Posted: 02/28/2013 08:06 PM IST

దేశీయ విమానయాన సంస్థ జెట్ ఎయిర్‌వేస్‌కు లండన్ హీత్రూ విమానాశ్రయంలో గల మూడు స్లాట్లను కొనుగోలు చేసినట్లు అబుదాభి ఎయిర్‌వేస్ సంస్థ ఇతెహాద్ ప్రకటించింది. డీల్‌లో భాగంగా జెట్‌కు 7 కోట్ల డాలర్లను(సుమారు రూ. 380 కోట్లు) చెల్లించినట్లు బుధవారం వెల్లడించింది. తద్వారా లండన్ హీత్రూ విమానాశ్రయంలో జెట్‌కు గల మూడు స్లాట్లను సొంతం చేసుకోనున్నట్లు తెలిపింది.ఇది మంగళవారం జెట్‌తో కుదుర్చుకున్న అమ్మకం, లీజ్ బ్యాక్ ఒప్పందంలో భాగంగా జరిగిన కొనుగోలుగా ఇతెహాద్ పేర్కొంది. అయితే ఈ స్లాట్లను వినియోగించుకుంటూ జెట్... లండ న్‌కు విమాన సర్వీసులను కొనసాగిస్తుందని ఇతెహాద్ తెలిపింది. కాగా, డీల్ నే పథ్యంలో జెట్ ఎయిర్‌వేస్ షేరు బీఎస్‌ఈలో 20% దూసుకెళ్లి రూ. 535 వద్ద ముగిసింది.