Posted: 04/10/2012 04:56 PM IST

పదేళ్ళుగా అంచెలంచెలుగా ఎదుగుతూ తెలుగులో మంచి ఎంటర్ టైన్ మెంట్ కార్యక్రమాలను అందిస్తున్న మా టీవి తన వాటాను 30 శాతం ప్రముఖ టెలివిజన్ ఛానల్ అయిన సోనీ టీవికి విక్రయించింది. ఈ మేరకు రెండు సంస్థల మధ్య సూత్రప్రాయంగా అంగీకారం కుదిరింది. 30 శాతం వాటాకు సోనీ పిక్చర్స్ టెలివిజన్ ఎంత చెల్లిస్తుందనే విషయం మాత్రం స్పష్టం కాలేదు. మా టీవీ విలువ మదింపు వేసే ప్రక్రియ కొనసాగుతున్నట్టుగా తెలిసింది.

మా టీవీ చానెల్స్ నెట్‌వర్క్‌లో నిమ్మగడ్డ (మాట్రిక్స్) ప్రసాద్ మెజార్టీ షేర్‌హోల్డర్ కాగా ప్రముఖ నటుడు, కాంగ్రెస్ నాయకుడు చిరంజీవి ఆయన బం«ధువు అల్లు అరవింద్, మరో ప్రముఖ నటుడు అక్కినేని నాగార్జున ఇతర వాటాదాలుగా ఉన్నారు. ఈ నలుగురి ఉమ్మడి వాటా 95 శాతం కాగా అందులో ప్రసాద్ వాటానే 60 శాతంపైగా ఉన్నట్టు తెలిసింది. సోనీ టెలివిజన్ కొనుగోలు చేస్తున్న 30 శాతం వాటాలో కొంతభాగాన్ని ప్రస్తుత వాటాదారులు విక్రయిస్తారు.