బాబు తప్పుడు హామీలపై వైసీపీ రాష్ట్రవ్యాప్త ధర్నాలు

Posted: 11/05/2014 08:02 AM IST

ఆంధ్రప్రదేశ్ ముఖ్యమంత్రి చంద్రబాబు మోసాలకు నిరసనగా వైసీపీ అధిష్టానం ఇచ్చిన పిలుపుతో రాష్ట్రవ్యాప్తంగా ఆందోళనలు కొనసాగుతున్నాయి. వైసీపీ పార్టీ ఆద్వర్యంలో ఆ పార్టీ శ్రేణులు ఆంధ్రప్రదేలోని అన్ని మండల కేంద్రాల్లో ధర్నాలు ఆందోళనలు కొనసాగిస్తున్నారు. అబద్దపు హామీలతో రైతులను మోసగించిన చంద్రబాబును వైఖరిని ఈ ధర్నాల ధ్వారా నిలదీయనున్నారు. ఇప్పటికీ రైతుల రుణాలు రెన్యువల్ కాకపోవడం, హుదూద్ తుఫాన్‌తో నష్టపోయిన పంటలకు పంట బీమా కూడా వర్తించక పోవడాన్ని తప్పబడుతూ అన్ని మండల కేంద్రాల్లో ధర్నాలు, నిరసన కార్యక్రమాలతో ఆందోళన చేపట్టాలని నిర్ణయించారు.

ఆంధ్రప్రదేశ్ ప్రభుత్వం. ఆ రాష్ట్ర ముఖ్యమంత్రి చంద్రబాబు మోసాలకు నిరసనగా వచ్చే నెల 5న కలెక్టరేట్ల ఎదుట దీక్షలు చేపట్టనున్నట్లు ఆపార్టీ అధ్యక్షుడు తెలిపారు. వచ్చే ఏడాది జనవరి 6, 7 తేదీల్లో తానే స్వయంగా దీక్ష చేపడతానని జగన్ ప్రకటించారు. ప్రజల పక్షాన నిలిచి పోరాడాలని ఆయన పార్టీ శ్రేణులకు, కార్యకర్తలకు , నాయకులకు పిలుపునిచ్చారు.

జి.మనోహర్