నేనైతే.. మరోలా నిరసన తెలిపేదాన్ని..

Posted: 10/05/2014 05:06 PM IST

బాక్సర్ సరితా దేవి ఎదుర్కొన్న పరిస్థితిని తాను అర్థం చేసుకోగలనని ప్రముఖ బాక్సర్, అసియా క్రీడల్లో స్వర్ణ పతక గ్రహీత మేరికోమ్ పేర్కోన్నారు. సరిత బావోద్వేగాలను తాను పూర్తిగా అర్థం చేసుకున్నానని అమె అన్నారు. బాక్సింగ్ లో తాను విజయం సాధించినా.. ఓడినట్లు రిఫెరీలు వారి నిర్ణయాన్ని ప్రకటించడాన్ని అమె తప్పుబట్టారు. కాంస్య పతకాన్ని గెలిచిన తరువాత కూడా సరితాదేవి దానిని తిరిగి ఇచ్చేయడాన్ని అమె సమర్థించారు. అయితే తాను ఈ పరిస్థితిని ఎదుర్కోని వుంటే మరోలా నిరసన తెలిపేదానినన్నారు.

కష్టపడి పతకాన్ని సాధించినా.. దానిని తిరిగి ఇచ్చేయడం వల్ల సరిత నిరసన తెలిపిందే కాని.. బాక్సింగ్ పోటీలో తాను అనుభవించిన విజయాన్ని ఆస్వాదించలేకపోయిందని అభిప్రాయపడ్డింది. సరితా దేవికి ఇండియన్ బాక్సింగ్ అకాడమీ నుంచి కూడా మద్దతు లభించకపోడంపై తాను దాటవేత దోరణిని అవలంభించింది. అయితే సరితాదేవి, అమె భర్త ఆరోఫణల నేపథ్యంలో అసియా క్రీడల నిర్వాహకులు ఈ మ్యాచ్ ను పరిశీలించి నిర్ణయం తీసుకుని వుంటే బాగుండేదని అభిప్రాయపడ్డారు.
 
జి.మనోహర్