భారత్ ఖాతాలో మరో రజత పతకం..

Posted: 09/28/2014 12:34 PM IST

ఆసియా క్రీడల్లో భారత్కు మరో రజత పతకం లభించింది. మహిళల 20 కి.మీ వాకింగ్లో ఖుష్బీర్కౌర్ రజత పతకాన్ని కైవసం చేసుకుంది.  దీంతో భారత్ ఐదో రజత పతకాలు సాధించింది. అటు టెన్నిస్ లో యూకీ భాంభ్రీ మరో కాంస్య పతకాన్నిసాధించాడు. టెన్నిస్ లో సింగిల్స్ లో జపాన్ అటగాడు యోషిహితో నిష్కియోకాతో తలపడిన యూకీ.. 6-3, 2-6, 1-6తో ఓటమిని చవిచూశాడు. దీంతో కాంస్య పతకంతోనే పరిపెట్టకున్నాడు. మరోవైపు హాకీలో పురుషుల జట్టు సెమీస్ లోకి దూసుకెళ్లింది. దీంతో భారత్ కు మరో పతకం ఖాయంగా కనిపిస్తోంది.

రెజ్లింగ్ 65 కిలోల ఈవెంట్ లో భారత క్రీడాకారుడు యోగేశ్వర్ దత్ సెమీఫైనల్ లోకి ప్రవేశించాడు. తన ప్రత్యర్థి కాంగ్ జిన్ యాక్పై గెలిచి సైమీస్ లోకి ప్రవేశించాడు. బాక్సంగ్ లో చైనా క్రీడాకారాణి సిహజ్ యాన్ పై భారత క్రీడాకారిణి మేరీకామ్ విజయం సాధించింది. ఈ గెలుపుతో సెమీస్ లోకి వెళ్లిన మేరికామ్ భారత్ కు మరో కాంస్య పతకాన్ని ఖాయం చేసింది. ఆసియా క్రీడలు ప్రారంభమైన నాటి నుంచి ఇప్పటి వరకు 28 పథకాలను సాధించింది. పతకాలు పోందిన దేశాల జాబితాలో 11 స్థానంలో నిలిచింది.

జి.మనోహర్