మళ్లీ వార్తల్లోని వ్యక్తిగా.. సరసాల సర్కోజీ

Posted: 09/22/2014 09:29 AM IST

ప్లే బోయ్గా ప్రసిద్ధి చెందిన ఫ్రాన్సు మాజీ అధ్యక్షుడు నికొలస్ సర్కోజీ.. మళ్లీ వార్తల్లోకి వచ్చారు. అంతర్జాతీయ మోడల్ కార్లా బ్రూనీతో సరసాలు సాగించిన సర్కోజీ.. మళ్లీ వార్తల్లో వ్యక్తిగా మారాడు. ఆ తర్వాత కార్లా బ్రూనీతో పెళ్లి లాంటి విషయాలతో మీడియాలో నిత్యం నానుతూ వచ్చిన ఆయన ఇప్పుడు మాత్రం ఇందుకు భిన్నమైన అంశంతోనే వార్తల్లోని వ్యక్తిగా మారాడు. అదేంటంటే ఆయన మరోసారి రాజకీయాల్లోకి రావలనుకుంటున్నారు. ఫ్రాన్సుకు మరోసారి అధ్యక్షుడిగా సేవలు అందింద్దామని ఆశపడుతున్నారు. ఈ విషయాన్ని ఫేస్బుక్ అకౌంట్ ద్వారా అభిమానులకు ప్రకటించారు. సర్కోజీ ఇప్పుడు మరోసారి సందడి చేయడానికి సిద్ధం అయిపోతున్నారు. యూనియన్ ఫర్ ఎ పాపులర్ మూవ్మెంట్ (యూఎంపీ) తరఫున ఆయన అధ్యక్ష పదవికి పోటీ పడాలని భావిస్తున్నారు.

ఫ్రాన్సు అధ్యక్షుడిగా వున్న సమయంలో అక్రమాలకు పాల్పడ్డారని ముద్ర పడిన సర్కోజీపై ఇప్పటికీ పలు కేసులు వున్నాయి. వాటన్నింటినీ అధిగమించి మరోసారి అధ్యక్ష పదవికి పోటీ పడగలనని సర్కోజీ ఆశిస్తున్నారు. ప్రస్తుత అధ్యక్షుడు హోలండ్కు ఆ దేశ ప్రజలు మరోసారి అవకాశం ఇచ్చేలా మాత్రం లేరు. కేవలం 13 శాతం మంది మాత్రమే హోలండ్ మళ్లీ పోటీ పడాలని అనుకుంటున్నారు. ఫ్రాన్సు అధ్యక్ష ఎన్నికలు 2017లో జరగనున్నాయి.

జి.మనోహర్