తమిళనాడు బాధ్యతలు చిరు చేతికి?

Posted: 01/17/2017 04:19 PM IST

దాదాపు పదేళ్ల తర్వాత ఖైదీ నంబర్ 150 సినిమా తో అభిమానులను అలరించటమే కాదు, ఆ సక్సెస్ హ్యాపీ మూమెంట్స్ ను తాను ఎంజాయ్ చేస్తున్నాడు మెగాస్టార్ చిరు. సినమా రిలీజ్ కు ముందే ఫలితంతో సంబంధం లేకుండా ఇకపై వరుస సినిమాలతో అభిమానులను అలరిస్తానని చెప్పటం కూడా చూశాం. అయితే ఇంతలో ఓ గాలివార్త చిరును మళ్లీ రాజకీయ రంగంలోకి దింపబోతున్నట్లు చెబుతోంది.

హస్తిన రాజకీయాలను పరిశీలిస్తే కాంగ్రెస్ చిరుకు కీలక బాధ్యతలు కట్టబెట్టాలని అధిష్ఠానం యోచిస్తున్నట్లు తెలుస్తోంది. తమిళనాడు రాష్ట్ర కాంగ్రెస్ ఇంచార్జీగా చిరుకు పగ్గాలు అప్పగించబోతున్నారనే టాక్. మరో విషయం ఏంటంటే... నోట్ల రద్దును వ్యతిరేకిస్తూ 18వ తేదీన అన్ని రిజర్వ్ బ్యాంకుల ముందు ర్యాలీలు చేపట్టాలని కాంగ్రెస్ తీర్మానం చేసింది.

అయితే ఎంజీఆర్ వర్థంతి హడావుడి కారణంగా దానిని రెండు రోజుల పాటు పోస్ట్ పోన్ చేయాలని తమిళ కాంగ్రెస్ నేతలు సూచించారు. ఈ సందర్భంలో అక్కడే ఉన్న చిరుతో చెన్నై ఆందోళనలో పాల్గొనాలని, కార్యకర్తలను ముందుండి నడిపించాలని రాహుల్ చిరును కోరాడంట. వచ్చే ఎన్నికల్లో ఏపీ ముఖ్యమంత్రి అభ్యర్థిగా ప్రకటించడానికి కాంగ్రెస్ అధినాయకత్వం సిద్ధమౌతుందన్న వార్త ఓవైపు, మరోవైపు రాజకీయ సన్యాసం తీసుకుంటాడని ఇంకోవైపు... ఇలా రోజుకో కొత్త వార్త పుట్టుకు వస్తున్న తరుణంలో చిరు రియాక్షన్ ఏంటన్నది మాత్రం తెలీటంలేదు.