దమ్ముంటే ఇక్కడకు రారా.. అంటున్న రేణుక చౌదరి

Posted: 02/08/2014 04:47 PM IST

ఖమ్మం పేరు చెబితే .. ముందుగా  గుర్తుకు వచ్చేది  భద్రాచలం  రామయ్య.. ఫైర్ బ్రాండ్  రేణుక చౌదరి.  కాంగ్రెస్ పార్టీ లో ఒక వెలుగు వెలిగిన సీనియర్ నాయకురాలు. ఇటీవలే.. అమ్మ ఆగ్రహనికి బలై  పదవి వేటు పడిన విషయం తెలిసిందే. రేణుక చౌదరి అంటే తెలంగాణ నేతలకు  పడదు. అంటే  రేణుకు చౌదరి  మొదట్లో తెలంగాణకు వ్యతిరేకంగా  అనేక సార్లు మాట్లాడి తెలంగాణ వాదుల ఆగ్రహానికి గురైన విషయం తెలిసిందే,  అంతేకాకుండా సొంత పార్టీ నాయకులే.. పైర్ బ్రాండ్ పై.. అప్పుడప్పుడు.. పైర్ అవుతుంటారు. అంతేకాకుండా  రేణుక చౌదరికి  టిక్కెట్ ఇవ్వద్దని  కాంగ్రెస్ హైకమాండ్  చెప్పిన నేతలు  చాలా మంది ఉన్నారని  ఆమె అనే సార్లు  మీడియా  ముందు  చెప్పటం జరిగిందని.. కాంగ్రెస్ కార్యకర్తలు అంటున్నారు. 

అయితే  తాజాగా కేంద్రం  తెలంగాణ బిల్లుపై   ఆమోద  ముద్ర వేసి ..  భద్రాచలం డివిజన్ లోని పోలవరం  ముంపు గ్రామాలున్న  ఏడు  మండలాలను  సీమాంద్రలో చేర్చడంతో  దానికి వ్యతిరేకంగ  తెలంగాణ జేఏసీ, విద్యార్థి సంఘాలు  ఢిల్లీలోని ఏపీ భవన్ ముందు ఆందోళన  చేపట్టారు. సరిగ్గా ఇదే సమయంలో  రేణుకా చౌదరి  అక్కడికి రావటంతో.. తెలంగాణ ఉద్యోగులు  రేణుకా గో బ్యాక్  అంటూ.. నినాదాలు చేయటం జరిగింది. దీంతో రెచ్చిపోయిన  రేణుక  తన విశ్వరూపం చూపించినట్లు  సమాచారం.   

ఆ సమయంలో తన సహనాన్ని కోల్పోయిన రేణుక తనను ఎదురు ప్రశ్నిస్తున్న ఓ ఉద్యోగిని పట్టుకుని నోటికొచ్చినట్టు తిట్టారు. ‘నువ్వెవడివిరా మాట్లాడేదానికి... దమ్ముంటే ఇక్కడకు రారా..’ అంటూ సవాల్ విసిరారు. భద్రాద్రి రాముడి ఆలయాన్ని కాపాడుకోవటం తమ లక్ష్యమన్నారు. రామాలయ ఆస్తులపై తెలంగాణ బిల్లులో స్పష్టత ఇవ్వలేదని వ్యాఖ్యానించారు.  విద్యార్థులకు సంఘీభావం తెలిపేందుకే తాను వచ్చానని రేణుక స్పష్టం చేశారు.  

అయితే  రేణుక చౌదరి  తెలంగాణ వాదులపై పోరాడిన తీరు చూస్తే ..  అందరికి అనుమానం  అనుమానం  వస్తుందని  తెలంగాణ వాదులు అంటున్నారు. తెలంగాణ రాష్ట్రం రావటం  రెణుకా చౌదరికి  ఇష్టం లేదని,  అందుకే  తెలంగాణ వాదులపై తొడగొడుతున్నారని తెలంగాణ నేతలు అంటున్నారు.  రేణుకా చౌదరి  మొదటి నుంచి  సీమాంద్ర నేతలకు అనుకూలంగా ఉందని.. ఇప్పుడు  ఢిల్లీలో.. తెలంగాణ వాదుల పై తొడగొడుతున్నరంటే.. ఆమెకు తెలంగాణ రావటం ఇష్టం లేదని.. తెలంగాణ వాదులు అంటున్నారు.   

అయితే  రేణుకా చౌదరి  మాత్రం  ఢిల్లీలో ఎందుకు రచ్చ చేస్తున్నారో కాంగ్రెస్ పెద్దలకు అర్థకావటం లేదని.. కాంగ్రెస్ కార్యకర్తలు అంటున్నారు. ఏమైన ఫైర్ బ్రాండ్  విషయం కాబట్టి.. కాంగ్రెస్ నేతలు ఎవ్వరు ఖండించే సాహసం చేయటం లేదని .. తెలంగాణ వాదులు అంటున్నారు. అంటే గతంలో.. రేణుకా .. ఖమ్మం జిల్లా ను,  సీమాంద్రలో కలపాలని డిమాండ్ చేసినట్లు తెలంగాణ నేతలు గుర్తు చేస్తున్నారు. ఇప్పుడు రేణుకా హడావుడి అంతే.. రాజకీయ పదవుల  కోసమే అని తెలంగాణ వాదులు అంటున్నారు. 

రాబోయే ఎన్నికలను ద్రుష్టిలో పెట్టుకొని ఖమ్మం జిల్లా టిక్కెట్  తనకే ఇవ్వాలనే ఉద్దేశం.. కాంగ్రెస్ పెద్దల ముందు తన బలం చూపిస్తుందని  తెలంగాణ నేతలు అంటున్నారు.  ఈసారి  ఫైర్ బ్రాండ్ కు కాంగ్రెస్ అధిష్టానం టిక్కెట్ ఇస్తుందో లేదో చూడాలి.  ఏమైన ..పైర్ బ్రాండ్ తో పెట్టుకొని దమ్ము ఎవరికి  లేదనే విషయం అర్థమవుతుందని  కాంగ్రెస్ కార్యకర్తలు ..గాంధీ భవన్ లో.. గుసగుసలాడుకుంటున్నారు. 

-ఆర్ఎస్