ఒకరు అపజయాల వీరుడు-మరొకరు ఐరన్ లెగ్

Posted: 12/09/2013 06:48 PM IST

ఇప్పుడు కాంగ్రెస్ పార్టీలో .. ఒక విచిత్రమై సెంటిమెంట్ తో బాధపడుతున్నారు. ఒక సీనియర్ నాయకుడు, మరోకరు జూనియర్ నాయకుడు. ఈ ఇద్దరి జాతకం రీత్యం వచ్చే కష్టాలను కాంగ్రెస్ పార్టీ నాయకులు ప్రత్యేక్షంగా చూస్తున్నారు. ఒకరు అపజయల వీరుడు. మరొకరు ఐరన్ లెగ్. ఈఇద్దరు కలిస్తే మాత్రం అక్కడ మిగిలేది బూడిదే అని ఢిల్లీ పెద్దలు గుసగుసలాడుకుంటున్నారు. అసలు ఇంతకీ ఎవరు అనుకుంటున్నారా సొంత రాష్ట్రంలో చిత్తుగా ఓడిపోయిన అపజయల వీరుడు దిగ్విజయ్ సింగ్. మరొకరు ఎక్కడ అడుగుపెడితే.. అక్కడ పచ్చగా బతికే మొక్క సైతం నిలువునా ఎండిపోవడమే అని నిరూపించిన రాహుల్ గాంధీ.

 

గతంలో రాహాల్ గాంధీ ఉత్తరప్రదేశ్ లో ఎన్నికల ప్రచారం చేసిన విషయం తెలిసిందే. అయితే అక్కడ ఎన్నికల ఫలితాలు .. కాంగ్రెస్ పార్టీని దెబ్బతీశాయి. రాహుల్ గాంధీ ప్రచారం వల్లే ఇలా జరిగిందని అప్పట్లో కాంగ్రెస్ నాయకులే గుసగుసలాడుకున్నారు. అప్పటి నుంచి రాహుల్ గాంధీ ఎన్నికల ప్రచారానికి దూరంగా ఉన్నాడు. కర్ణాటక రాష్ట్రంలో జరిగిన ఎన్నికల ప్రచారానికి రాహుల్ గాంధీ దూరంగా ఉండబట్టే.. అక్కడ కాంగ్రెస్ గెలిచిందని కాంగ్రెస్ కార్యకర్తలు బహిరంగంగా చెప్పటం జరిగింది. ఇప్పుడు అదే విషయాన్ని తెలుగుదేశం పార్టీ నాయకుడు నందమూరి హరికృష్ణ మళ్లీ గుర్తు చేశారు.

 

రాష్ట్రవిభజనలో కపటనాటకసూత్రధారిగా దిగ్విజయ్‌ వ్యవహరించాడని మండిపడ్డారు. ఇప్పటి వరకు ప్రచారం చేసినా ఏ రాష్ట్రంలో విజయమన్నదెరుగని ఇనుపగజ్జల పాదచారి రాహుల్‌ గాంధీ అన్నారు. విభజనతో మండిన తెలుగువాడి ఆవేశం కాంగ్రెస్‌ను ఎలా దావానంలా చుట్టుముట్టి కాల్చిందో ఈ ఎన్నికల ఫలితాలే నిదర్శనం అన్నారు. ఒక్క ఓటు రెండు రాష్ట్రాలుగా విడగొడతామనడం బీజేపీకీ తగునా అని హరికృష్ణ ప్రశ్నించారు. రాష్ట్రసమైక్యతను కాపాడుకోవడానికి ఇదే ఆఖరి అవకాశం అన్నారు. తెలుగు జాతి సమైక్యత కోసం పెద్దరికం తీసుకోవడానికి తాను సిద్దంగా ఉన్నట్లు తెలిపారు. ఏ పార్టీ ఎంపీలైనా రాజీనామా లేఖలు తనకు ఇస్తే, వాటిని ఆమోదింపజేయిస్తానన్నారు.

 

అయితే ఢిల్లీ ఎన్నికల విషయన్ని ముందుగానే పసిగట్టిన సోనియా గాంధీ ఢిల్లీలో ఎన్నికల ప్రచారానికి వెళ్లలేదని కాంగ్రెస్ నాయకులు అంటున్నారు. ఇప్పుడు ఢిల్లీ పెద్దలకు రాహుల్ గాంధీ జాతకంపై ద్రుష్టి పెట్టారు. రాహుల్ గాంధీ కాంగ్రెస్ పార్టీలోకి అడుగు పెట్టిన నాటి నుండి .. పార్టీకి అన్ని అపజయాలే అని ఢిల్లీ పెద్దలు అంటున్నారు. దీంతో రాహుల్ గాంధీని రాజకీయలకు దూరంగా పెట్టేందుకు సోనియా గాంధీ రెఢీ అవుతుందని ఢిల్లీ పెద్దలు అంటున్నారు.