24 జిల్లాలతో కూడిన గోల్డ్ టీ కావాలి

Posted: 09/17/2013 02:47 PM IST

Gold telangana state will have 24 districts

తెలంగాణ రాష్ట్ర సమితి అధినేతి కల్వకుంట్ల చంద్రశేఖర్ రావు రాష్ట్ర విభజన తెరపైకి కొత్త ప్రతిపాదనాను తెచ్చిపెట్టాడు. కొత్తగా తెలంగాణ రాష్ట్రం ఏర్పాడితే.. 10 జిల్లాలు ఉంటాయని అందరికి తెలుసు. కానీ కొత్తగా రాష్ట్ర ఏర్పాటు జరిగితే మాత్రం 24 జిల్లాలతో కూడిన బంగారు తెలంగాణ కావాలని కల్వకుంట్ల చంద్రశేఖర్ కొత్త డిమాండ్ ను తెలంగాణ ప్రజల మద్యకు తెచ్చారు. ఇప్పుడు రాష్ట్రంలో విభజనకు వ్యతిరేకంగా సీమాంద్రలో ఉద్యమం నడుస్తున్న సమయంలో.. కేసిఆర్ తెరపైకి సరికొత్త డిమాండ్ తీసుకొచ్చారు. 24 జిల్లాలకు కావాల్సిన అన్ని ఏర్పాట్లను కేసిఆర్ తయరు చేసినట్లు తెలుస్తోంది. దీంతో కొత్తగా ఏయే జిల్లాలు అవతరిస్తాయి? ఏ ప్రాంతాలు ఏయే జిల్లాల పరిధిలో విలీనమవుతాయి? అనే విశ్లేషణలు ప్రాధాన్యాన్ని సంతరించుకున్నాయి. వాస్తవానికి తెలంగాణలోని జిల్లా కేంద్రాలు అదే జిల్లాలోని మారుమూల ప్రాంతాలకు వందల కిలోమీటర్ల దూరంలో ఉన్నాయి. ఏదైనా పనిపడితే.. జిల్లా కేంద్రానికి వెళ్లాలంటే అక్కడి ప్రజలు నానాతంటాలు పడుతున్నారు. ఆదిలాబాద్, వరంగల్, మహబూబ్‌నగర్ జిల్లాలు ఇందుకు నిలువుటద్దం పడుతున్నాయి.

వాస్తవానికి జిల్లాల ఏర్పాటుపై ఇప్పటివరకు శాస్త్రీయ విధానమేదీ లేదు. ఎన్ని లక్షల జనాభాకు... లేదా ఎంత విస్తీర్ణముంటే జిల్లాలను ఏర్పాటు చేయాలనే మార్గదర్శకాలేమీ లేవు. జాతీయస్థాయిలో జిల్లాల సగటు వైశాల్యం 5,035 చదరపు కిలోమీటర్లు. తెలంగాణలో ఇప్పుడున్న జిల్లాల సరాసరి 11,400 చదరపు కిలోమీటర్లు. దేశ సగటుతో పోలిస్తే రెట్టింపు విస్తీర్ణం. పెద్ద జిల్లాలుంటే అధికార యంత్రాంగంపై ఒత్తిడి ఎక్కువై పనుల్లో జాప్యం జరుగుతోంది. ప్రభుత్వ సేవలు, పథకాలు సక్రమంగా తమకు అందడం లేదని ప్రజల్లోనూ అసంతృప్తి పెల్లుబుకుతోంది.

ఉద్యమ సమయంలో టీఆర్‌ఎస్ అధినేత కేసీఆర్ ‘24 జిల్లాలతో బంగారు తెలంగాణ’ అనే నినాదాన్ని ప్రజల్లోకి బలంగా తీసుకెళ్లారు. రాజకీయ, పరిపాలనా సౌలభ్యానికి వీలుగా జిల్లాలను పునర్విభజించాలంటూ ఆ పార్టీ ముందుగానే బ్లూ ప్రింట్‌ను సిద్ధం చేసింది. అయిదు నియోజకవర్గాలకో జిల్లా ఉండాలనే కాన్సెప్ట్‌ను అనుసరించింది. అందులో భాగంగా హైదరాబాద్, రంగారెడ్డి జిల్లాలను ఆరు జిల్లాలుగా విభజించింది. మెదక్‌ను, మహబూబ్‌నగర్‌ను, వరంగల్‌ను మూడు జిల్లాలుగా, నిజామాబాద్ మినహా మిగతా నాలుగు జిల్లాలను రెండేసి జిల్లాలుగా పునర్విభజించింది. ఇప్పటికే కొత్త జిల్లాలపై విసృతతంగా ప్రచారం చేపట్టింది. తెలంగాణ విస్తీర్ణం 1,14,000 చదరపు కిలోమీటర్లు. విస్తీర్ణంలో దేశంలోనే 13వ స్థానంలో నిలుస్తుంది. తెలంగాణ కంటే చిన్న రాష్ట్రాల్లోనూ జిల్లాల సంఖ్య పది కంటే ఎక్కువే ఉంది. బీహార్‌లో 38 జిల్లాలు, పంజాబ్‌లో 22, పశ్చిమబెంగాల్‌లో 19 జిల్లాలు, జార్ఖండ్‌లో 24 జిల్లాలు, ఈ నేపథ్యంలో కొత్త రాష్ట్రంలో ప్రజలకు అందుబాటులో ఉండేలా జిల్లాలు, డివిజన్ల పునర్విభజన జరగాలనే డిమాండ్ తెలంగాణ నాయకులు నుండి వెల్లువెత్తుతోంది.