దావన్ ధాటికి పసికూనలు విలవిలా

Posted: 07/26/2013 08:54 PM IST

జింబాబ్వే టూర్ లో కుర్రాళ్ళు మంచి జోరు మీద ఉన్నారు. మొదటి వన్డే గెలిచిన ఊపునే రెండో వన్డేలో కొనసాగించారు. ‘సెల్ కాన్ కప్ ’ భాగంగా నేడు జింబాబ్వే - భారత్ మధ్య జరిగిన రెండో వన్డేలో భారత్ 58 పరుగుల తేడాతో విజయం సాధించింది. ధావన్ బ్యాటింగులో అదరగొట్టి సంచరీ చేయడంతో పాటు బౌలర్లు సమిష్టిగా రాణించడంతో రెండో వన్డే కూడా భారత్ వశమే అయింది. మొదట గెలిచిన జింబాబ్వే టీం ఇండియాను బ్యాంటింగ్ కి ఆహానించింది. టీం ఇండియా నిర్ణీత 50 ఓవర్లలో 8 వికెట్లు కోల్పోయి 294 పరుగుల భారీ స్కోరు చేసింది. బ్యాటింగ్ లో రాణిస్తున్న రోహిత్ శర్మ, కెప్టెన్ కోహ్లీ, రాయుడులు త్వరగానే అవుట్ అయినా, ఓపెనర్ శిఖర్ ధావన్ సెంచరీ(116), వికెట్ కీపర్ దినేష్ కార్తీక్ అర్థ సెంచరీ(69)లతో కదం తొక్కారు . ఐదో వికెట్ కు వీరిద్దరూ 145 బంతుల్లో 150 పరుగులు జోడించి జట్టుకు మంచి స్కోరు అందించారు. జింబాబ్వే బౌలర్లలో విటోరి 2 వికెట్లు పడగొట్టాడు. ఛతారా, జార్విస్, ఉతసియ తలో వికెట్ తీశారు.

 

 

అనంతరం భారత్ నిర్ధేశించిన 295 పరుగుల విజయ లక్ష్యాన్ని ఛేదించడానికి బరిలో దిగిన జింబాబ్వే నిర్ణీత 50 ఓవర్లలో తొమ్మిది వికెట్ల నష్టానికి 236 పరుగులు మాత్రమే చేసి మరో ఓటమిని తన ఖాతాలో వేసుకున్నారు. జింబాబ్వే బ్యాట్స్ మెన్స్ ఆదిలోనే భారత బౌలర్లను సమర్థవంతంగా ఎదుర్కొన్నారు. ఓ దశలో జింబాబ్వే 100 పరుగులకు ఒక్క వికెట్ మాత్రమే కోల్పోయి పటిష్టంగా కనిపించింది. కానీ 120 పరుగుల తరువాత ఉనాథ్కన్ వరుసగా రెండు వికెట్లు తీయడంతో జింబాబ్వే పతనం ప్రారంభం అయింది. సిబందా 55, ఉతసియ 52, చిగుంబుర 46, మసకజ్జా 34 పరుగులు మినహా మిగతా వారు పెద్దగా రాణించలేక పోయారు. భారత బౌలర్లలో ఉనద్కత్ 4 అమిత్ మిశ్రా 2 వికెట్లు తీశారు. షమీ, జడేజా చెరో వికెట్ దక్కించుకున్నారు. దీంతో సిరీస్ లో భారత్ 2 – 0 ఆధిక్యంలోకి దూసుకెళ్లింది.