Posted: 02/03/2013 10:39 AM IST

సౌత్ ఇండియన్ సూపర్ స్టార్ రజినీకాంత్ గత కొంత కాలంగా రాజకీయాల్లోకి వస్తాడనే వార్త వినిపిస్తున్న విషయం తెలిసిందే. కానీ రజినీ ఈ మాటను రజినీ ఎప్పుడు దాటవేస్తూ వస్తున్నాడు. కానీ మిగతా హీరోల్లాగా రాజకీయాల్లోకి రావాలని రజినీకి అనిపించిందో లేక అవినీతిలో కూరుకుపోయిన దేశాన్ని ఆ ఊబిలో నుండి బయటకు తేవాలనుకొని, తన రాజకీయ ప్రస్థానాన్ని ప్రారంభించాలనుకున్నాడో గానీ, రజినీకాంత్ రాజకీయాల్లోకి రాబోతున్నాడు. మీరు చదువుతున్నది నిజమే. రజినీకాంత్ రాజకీయాల్లోకి రాబోతున్నాడు. కానీ ఇదంతా రియల్ లైఫ్ లో కాదు... రీల్ లైఫ్ లో....శంకర్ దర్శకత్వంలో వచ్చిన రోబో సినిమా తరువాత రజినీ ఇంతవరకు తెరపై కనిపించలేదు. రోబో తరువాత రజినీ ఆరోగ్యం సహకరించకపోవడంతో కెఎస్ రవికుమార్ దర్శకత్వంలో ప్రారంభం అయిన ‘రాణా ’ సినిమా అర్ధాంతరంగా ఆగిపోయింది. ఆరోగ్యం కుదుటపడిన తరువాత తన కూతురు డైరెక్షన్ లో విక్రమసింహా (కొచ్చడియాన్) చేస్తున్న విషయం తెలిసిందే. ఇక తాజాగా ఇతను 'రంగం', 'బ్రదర్స్' చిత్రాల దర్శకుడు కెవి ఆనంద్ దర్శకత్వంలో రజనీకాంత్ త్వరలో ఓ చిత్రంలో నటించనున్నట్లు వార్తలు వినిపిస్తున్నాయి.

దేశంలో జరగుతున్న రాజకీయ పరిణామాలను బేస్ చేసుకొని కె.వి. ఆనంద్ ఓ స్టోరీ రాసుకున్నాడని, ఇప్పటికే ఈ చిత్రం కోసం రజనీ నుంచి ఆనంద్ కాల్షీట్లు కూడా పొందాడని సమాచారం. చిత్రంలో రజనీ ఓ శక్తిమంతమైన రాజకీయ నాయకుడి పాత్రలో కనిపించనున్నారనీ కోలీవుడ్ వార్తలు. మరి తొలిసారి రాజకీయ నాయకుడిగా కనిపించబోతున్న ఈ సినిమా పై ఇప్పటికే భారీ అంచనాలు ఏర్పడ్డాయి. ఇది కార్యరూపం దాల్చితే రాజకీయ నాయకుడిగా రజినీ ఎలా ఉండబోతున్నాడనే ఉత్సాహం అభిమానుల్లో నెలకొంది.