Posted: 01/18/2013 03:12 PM IST

మూడు ప్రేమ జంటలు. అందమై ప్రేమ జంటలు టెన్నిస్ కోర్టులో  సందడి చేశాయి... ప్రేమ పక్షులు టెన్నిస్   ప్రేక్షకుల ముందు సందడిచేశాయి.  ఆస్ట్రేలియా ఓపెన్లో  ఒకవైపు  హోరాహోరీ గా మ్యాచ్ లు జరుగుతుంటే .. మరోవైపు ప్రేమ పక్షులు  విహరిస్తున్నాయి.  మరియూ షరపోవా-గ్రిగర్ దిమిత్రోవ్, సెరెనా విలియమ్స్ – ప్యాట్రిక్  మౌరాట్లో  గ్లో, విక్టోరియా  అజరెంకా- స్టెఫాన్  గోర్డీ జంటలు ఈ ఓఫెన్లో  సందడి చేస్తున్నాయి.   ఈ ముగ్గురు  టాప్ టెన్నిస్ క్రీడాకారిణుల రోమాన్స్  ప్రస్తుతం  ఆస్ట్రేలియా  ఓపెన్లో  హాట్ హట్ గా మారింది.  వీళ్లు ఎక్కడ  ఉంటే వీళ్ల ప్రియులు  అక్కడ  వాలిపోతున్నారు.  మ్యాచ్  జరుగుతుంటే  గ్యాలరీలో  కూర్చోని  ప్రొత్సహిస్తున్నారు.  ప్రాక్టీసీలోనూ వీళ్లే తోడుగా  ఉంటున్నారు.   దీంతో అభిమానులే  కాదు మీడియా  ద్రుష్టి కూడా ఈ ప్రేమ జంటల మీదే ఉంది. ‘‘ ముద్దుపెట్టుకొని.. దాని గురించి  అందరికి చెప్పటం నాకిష్టం లేదు .. మాది బలమైన బంధం. ఆమె నాకు చాలా ప్రత్యేకం’’ అని అజరేంకా ప్రియుడు, మ్యుజీషియన్  గోర్డీ అన్నారు.  గత  సంవత్సరం  యుఎస్  ఓపెన్లో  అజరెంకా ఆడిన  అన్ని మ్యాచ్ లను గోర్డీ వీక్షించగా.. అతని సంగీతానికి  ఆమె  కోర్టులోనే డ్యాన్స్ చేసింది. 

గతంలో  మారిషన్  బీచ్ లో  కోచ్  మౌరాటోగ్లోతో కలిసి సెరెనా  విలియమ్స్  బికినీతో  ఉన్న ఫొటోలు  ఇంటర్ నెట్ లో హల్ చల్  చేశాయి.  మరో వైపు రష్యా అందం  మరియా షరపోవా  బల్గెరియా టెన్నిస్  ఆటగాడు  దిమిత్రోవ్ తో  చెట్టపట్టాలేసుకుని తిరుగుతోంది.  దిమిత్రోవ్  తొలి రౌండ్లోనే  వెనుదిరిగినా  షరపోవాకు  నీడలాగే ఉన్నాడు.  ‘‘ వూపిరిసలపని టెన్నిస్ తో  ఎంతో బిజీగా ఉంటాం. ఈ స్థితిలో  మన ఆటకు సంబంధించిన వ్యక్తితోనే  ఒక బంధం  ఉంటే అది తప్పు కాదు’’ అని షరపోవా, దిమిత్రోవ్ తో  బంధం గురించి  చెప్పకనే  చెప్పింది.  సెరెనా విలియమ్స్ కథ అందరి కంటే  భిన్నం.  ఆమె తన కోచ్ నే ఇష్టపడుతోంది. అపజయాలు, గాయాలతో  కేరీర్ ముగిసినట్లే అనుకున్న  సమయంలో  కోచ్  మౌరాటోగ్లో అండగా నిలవడంతో  సెరెనా మళ్లీ  పుంజుకుంది.

గతేడాది  వింబుల్డన్ టైటిల్, ఒలింపిక్స్ లో  ‘డబుల్’ సాధించడమే  కాక యుఎస్  ఓపెన్ ను ఖాతాలో  వేసుకుంది.  గత 38 మ్యాచ్ లో 37  విజయాలు సాధించడం  వెనుక తన ప్రియుడు ప్రాత ఎంతో  ఉందని సెరెనా నమ్మకం.  ‘‘ అతను  నా మనసు ను గెలుచుకున్నాడు.  మౌరాటోగ్లో నన్ను చూసుకునే విధానం  ఎంతో  నచ్చింది’’  అని  తన జీవిత కథ ‘మై లైప్ : క్వీన్ ఆప్ ద కోర్టు’’  లో  సెరెనా  రాసుకుంది. వీళ్ల ముగ్గురే  కాదు మాజీ నెంబర్ వన్  కరోలిన్ వోజ్నియాకి  గోల్ప్ స్టార్  రోరీ మెక్ లారెతో  బంధం  కొనసాగిస్తుండగా, సెర్బియా తారా అనా ఇవనోవిచ్.. ఆస్ట్రేలియా  గోల్పర్  ఆడమ్  స్కాట్ తో ప్రేమాయణాన్ని  నెరపుతోంది.