ITEMVIDEOS: అక్కతో పెళ్లి జరుగుతుండగానే.. చెల్లి మెడలో వరమాల.. ఆ తరువాత..

Posted: 06/24/2022 05:16 PM IST

Viral video bihar groom gets slapped as he misses bride and puts varmala on sister in law

బావ, బావ పన్నీరు.. బావను పట్టుకు తన్నేరు.. అన్నది పాతకాలం నాటి నానుడి. ఆ తరువాత బావలకు సముచిత గౌరవం కలిగేంచే రోజులు వచ్చాయి. అయితే భూమి గుండ్రంగా తిరుగుతుంది అన్నట్లు.. మళ్లీ బావలను తన్నే రోజులు వచ్చాశాయి. గతంలో ఏం జరిగిందోనన్న సంగతి మాకు తెలియదు కానీ.. మా కాలంలో అంతర్జాలం తీవ్ర ప్రభావం చూపుతుంది. అందులో ఏ ఒక్కరైనా.. చెడుగా పడ్డారా..? ఇక బయటకు వచ్చేందుకు చాలా ప్రయాపపడాల్సిందే. అలాంటి ఘటనే ఇది. ఇక్కడ తన సోదరి వివాహం జరుగుతోంది. పరణయంలో వరమాల ఘట్టం వచ్చింది.

ఆ ఘట్టంలో భాగంగా వరుడిపై పూలు, అక్షింతలు వేస్తున్న మరదలు.. తన సోదరి మెడలో బావ వరమాల వేస్తాడని.. అలా పక్కుకు జరిగింది అంతే.. అమె మెడలో వరమాల పడింది. పక్కనే తనకు కాబోయే భార్యను పెట్టుకుని.. మరదలి మెడలో వరమాల వేయడంతో పెళ్లికి వచ్చిన అతిధులు, బంధువులు, అటు వధూవరులకు చెందిన కుటుంబ సభ్యులు అందరూ షాక్ తిన్నారు. అయితే అందరికంటే ముందుగా ఈషాక్ నుంచి తేరుకున్న మరదలు మాత్రం బావకు బాగానే వడ్డన చేసింది. ఎంతలా అంటే మత్తు సామ్రాజ్యంలో మునిగితేలుతున్న బావ.. ఒక్కసారిగా ఏం జరిగిందీ అనే స్థాయికి పెళ్లి వేదికపైనే వడ్డించేసింది.

ఈ ఘటన బీహార్ రాష్ట్రంలో జరిగిందని.. అయితే ఎక్కడ.. ఏమిటీ అన్న వివరాలు మాత్రం తెలియరాలేదు. ఇక ఈ ఘటన ఎప్పుడు జరిగిందన్న వివరాలు కూడా అందుబాటు లేవు. అయితే పురుషాధిక్య సమాజంలో భార్య అనే స్థానానికి సమాజం ఇచ్చిన గౌరవం ఎలాంటిదో.. ఇక్కడ ఈ ఘటనలో వధువు ప్రదర్శించడం గమనార్హం. తన చెల్లి తనకు కాబోయే భర్తపై చేయిచేసుకుంటుంటే.. అమె మా్త్రం తన సోదరి చర్యను తప్పుబట్టింది. తన భర్త మందు తాగడం వల్ల.. తెలియక నీ మెడలో వరమాలవేసాడే కానీ.. కావాలని కాదుగా.. అందుకు అలా దాడి చేస్తావా అని ప్రశ్నించింది. ఇలా భార్యలు భర్తలను వెనుకేసుకోచ్చినన్ని రోజులు.. ఇలాంటి ఘటనలు ఇంకా ఎన్ని చూడాల్సివస్తుందో.. ఇంతకీ అసలు సంగతేమిటీ అంటే..