మైనర్ బాలికపై దారుణం.. అధికార అహంతో కన్నుమిన్ను కానని టీఆర్ఎస్ నేత

Posted: 02/28/2022 01:47 PM IST

Trs leader shajid khan arrested for raping minor in telangana s nirmal

అధికార పార్టీలో ఉన్నత పదవిలో కొనసాగుతున్న వ్యక్తులు తమ అధికార పలుకుబడిని వినియోగించుకుని అక్రమార్కుల తాట తీయాల్సిందిపోయి.. స్వయంగా వారే అక్రమాలకు పాల్పడుతూ.. కటకటాల పాలవుతున్నారు. ఇప్పటికే కొత్తగూడెంలోని నాగరామకృష్ణ కుటుంబం ఆత్మహత్య కేసులో అధికార పార్టీకి జరగాల్సిన నష్టం కన్నా అధికంగా జరగడంతో ఈ కేసులో వనమా రాఘవను కూడా తమ పార్టీ నుంచి సస్పెండ్ చేసింది టీఆర్ఎస్ పార్టీ. ఇక ఈ సమయంలో పార్టీ నేతలు అత్యంత జాగ్రత్తగా వ్యవహరించాల్సింది పోయి.. తాము అదే బాటలో నడుస్తామన్నట్లు వ్యవహరించారో మరో పార్టీ ముఖ్యనేత.

రాష్ట్రంలోని ఓ పురపాలకానికి ఢిప్యూటీ చైర్మన్ హోదాలో కోనసాగుతున్న వ్యక్తి అత్యంత నీచానికి పాల్పడ్డాడు. తన బిడ్డ లాంటి మైనర్ బాలికపై అఘాయిత్యానికి తెగబడ్డాడు. కనీసం చిన్నారి మైనర్ అని కూడా చూడకుండా ఆమెను బెదిరిస్తూ అత్యాచారానికి పాల్పడ్డాడు. ఈ హింస నెలల తరబడి కొనసాగడంతో అతడి వేధింపులు తట్టుకోలేని బాలిక పోలీసులను ఆశ్రయించింది. ఈ ఘటన ప్రస్తుతం ఉమ్మడి ఆదిలాబాద్ జిల్లాలో సంచలనంగా మారింది. నిర్మల్ డీఎస్పీ ఉపేందర్ రెడ్డి తెలిపిన వివరాల ఇలా ఉన్నాయి. నిర్మల్ పట్టణం వైఎస్సార్ కాలనీకి చెందిన టీఆర్ఎస్ పార్టీ లీడర్, మున్సిపల్ వైస్ చైర్మన్ సాజిద్ ఖాన్ అదే కాలనీకి చెందిన 15 సంవత్సరాల బాలిక పై గత కొన్ని రోజులుగా అత్యాచారానికి పాల్పడ్డాడు.

డుతున్నాడని నిర్మల్ డీఎస్పీ ఉపేందర్ రెడ్డి తెలిపారు. బాధితురాలిని తరచూ బెదిరిస్తూ ఇతర ప్రాంతాలకు తీసుకెళ్లి అత్యాచారం చేసేవాడని వివరించారు. సాజిద్ ఖాన్ వేధింపులు భరించలేక బాలిక శనివారం పోలీసులకు ఫిర్యాదు చేసిందని చెప్పారు. ఆమె ఫిర్యాదు మేరకు కేసు నమోదు చేశామని డీఎస్పీ వెల్లడించారు. కాగా, నిందితుడు సాజిద్ ఖాన్‌కు ఓ మహిళ, మరో వ్యక్తి సహకరించాడని తెలిపారు. ప్రస్తుతం నిందితులు పరారీలో ఉన్నారని, వారిని పట్టుకునేందుకు నాలుగు ప్రత్యేక బృందాలను ఏర్పాటు చేశామని పేర్కొన్నారు. వైస్ చైర్మన్ సాజిద్ ఖాన్ పై పోక్సో చట్టం కింద కేసు నమోదు చేశామని, అతడిని త్వరలోనే పట్టుకొని రిమాండ్‌కు తరలిస్తామని డీఎస్పీ ఉపేందర్ రెడ్డి తెలిపారు.