https://www.teluguwishesh.com/
Charanjit Singh Channi Takes Oath as Punjab CM పంజాబ్ నూతన ముఖ్యమంత్రిగా చరణ్ జీత్ సింగ్ ప్రమాణం..
పంజాబ్ కాంగ్రెస్ లో కెప్టెన్ అమరేందర్ సింగ్ వర్గానికి నవజ్యోత్ సింగ్ సిద్దూ వర్గానికి మధ్య రాజుకున్న కుంపటి నూతన ముఖ్యమంత్రి ప్రమాణస్వీకారానికి కారణమైంది. తనపై నమ్మకం లేని చోట తాను ఉండలేనంటూ ముఖ్యమంత్రి పదవికి రాజీనామా చేసిన కెప్టెన్ అమరీందర్ సింగ్. వెళ్తే వెళ్తూ నవజ్యోత్ సింగ్ సిద్దూపై చేసిన అరోపణలను కాంగ్రెస్ అధిష్టానం లైట్ గా తీసుకుంది. అంతేకాదు ఆయన సూచనల మేరకు ముఖ్యమంత్రి మార్పుకు శ్రీకారం చుట్టింది. సిద్దూను నూటికి నూరుపాళ్లు వెనకేసుకురావడమే కాదు.. ఆయనకే పంజాబ్ లో ప్రణాళికలను అప్పజెప్పింది.
ఆ ప్రణాళికల్లో భాగంగానే పంజాబ్ లో నూతనాధ్యాయం లిఖించింది. దీంతో ఇవాళ పంజాబ్ రాష్ట్ర నూతన ముఖ్యమంత్రిగా చరణ్ జీత్ సింగ్ చన్నీ ప్రమాణ స్వీకారం చేశారు. ఛరన్ జీత్ సింగ్ తో రాజ్ భవన్ లో గవర్నర్‌ భన్వరీలాల్‌ పురోహిత్‌ ప్రమాణం చేయించారు. దీంతో పంజాబ్ తొలి దళిత ముఖ్యమంత్రిగా చన్నీ నిలిచారు. కాగా, రెండు రోజుల క్రితం సీఎం కెప్టెన్ అమరీందర్ సింగ్ తన పదవికి రాజీనామా చేశారు. దీంతో అత్యంత నాటకీయ పరిణామాల మధ్య పంజాబ్ కొత్త సీఎంగా చన్నీని కాంగ్రెస్ పార్టీ ఎంపిక చేసింది. ఈనేపథ్యంలో ఆయన ఇవాళ ప్రమాణం చేశారు.
పంజాబ్‌లో మరో నాలుగు నెలల్లో అసెంబ్లీ ఎన్నికలు జరగనున్నాయి. ఈ కార్యక్రమానికి కాంగ్రెస్ పార్టీ సీనియర్‌ నేత, ఎంపీ రాహుల్‌ గాంధీ, పార్టీ రాష్ట్ర అధ్యక్షుడు సిద్దూ హాజరయ్యారు. ఈ సందర్భంగా నూతన సీఎంకు రాహుల్‌ గాంధీ శుభాకాంక్షలు తెలిపారు. చన్నీ మాల్వా బెల్డ్ లో రూప్ నగర్‌ జిల్లాలోని చామ్ కౌర్‌ సాహిబ్‌ అసెంబ్లీ స్థానం నుంచి మూడు సార్లు ఎమ్మెల్యేగా గెలిచారు. ఆయన అమరీందర్ ప్రభుత్వంలో సాంకేతిక విద్యాశాఖ మంత్రిగా పనిచేశారు. కాగా కాంగ్రెస్ పార్టీ తీసుకున్న ఈ నిర్ణయంతో రాష్ట్రంలోని దళితులు పార్టీ నిర్ణయాన్ని స్వాగతిస్తున్నారు.
#WATCH Congress leader Rahul Gandhi and Punjab Congress president Navjot Singh Sidhu congratulate Charanjit Singh Channi on becoming the new Punjab CM#Chandigarh pic.twitter.com/QSl0QY9jI8
— ANI (@ANI) September 20, 2021
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
