డేట్ రాసేప్పుడు జాగ్రత్తా..! నెట్టింట్లో మెసేజ్ వైరల్..

Posted: 12/27/2019 04:44 PM IST

మరో నాలుగు రోజుల్లో 2019కి స్వస్తి పలికి.. 2020కి స్వాగతం పలుకుతాం. ఎంతో సంతోషంగా ఆహ్వానించే నూతన సంవత్సర వేళ.. అంతే నూతనంగా, హుషారుగా ఎడాది పోడుగునా వుండాలంటే కొన్ని జాగ్రత్తలు పాటించాలి. ఎందుకంటే 2020 సంవత్సరానికి అంతటి అప్రమత్తత అవసరం. ఎంతో మంది ఉత్సాహంగా ఎదురు చూస్తున్న.. 2020పై ఓ ఆసక్తికర వార్త... నెట్టింట్లో వైరల్ గా మారింది. మరీ ముఖ్యంగా ప్రపంచవ్యాప్త వాట్సాప్ వినియోగదారుల్లో ఇది అధికంగా సర్క్యూలేట్ అవుతోంది. కొత్త సంవత్సరంలో తేదీ రాసేటప్పుడు జాగ్రత్తగా ఉండాలనేది దాని సారాంశం.
 
వివరాల్లోకి వెళితే.. జనవరి నుంచి తేదీలు 01/01/2020గా ప్రారంభమవుతాయన్న విషయం తెలిసిందే. అయితే చాలా మంది అలవాటుగా 01/01/20 అని రాసే అవకాశం ఉంటుంది. దీనివల్ల అది 01/01/2000 నుంచి 01/01/2099 వరకు ఏదైనా మార్చుకునే అవకాశం ఉంటుంది. ఇది ఒప్పందాల విషయంలో.. ఇతర కాంట్రాక్టుల విషయంలో.. చెక్‌ల విషయంలో జరగడానికి అవకాశాలు చాలా ఉన్నాయి. దీనివల్ల మోసపోయే ఛాన్సులు చాలా ఉన్నాయని ఆ మెసేజ్ తెలుపుతోంది. డేట్ రాసేటప్పుడు చాలా జాగ్రత్త వహించాలని చెబుతోంది. ఈ ఏడాదంతా ఆ విషయాన్ని గర్తుంచుకోవాలని సదరు వాట్సాప్ మెసేజ్ హెచ్చరిస్తోంది. ‌