మాజీ స్పీకర్ ప్రతిభా భారతి అరోగ్యం మరింత విషమం

Posted: 10/29/2018 04:04 PM IST

Praibha bharati health condition very critical

టీడీపీ పొలిట్ బ్యూరో సభ్యురాలు, ఉమ్మడి అంధ్రప్రదేశ్ మాజీ స్పీకర్ ప్రతిభా భారతి ఆరోగ్యం విషమించింది. ప్రస్తుతం అసుపత్రిలో చికిత్స పొందుతున్న అమె.. అరోగ్యం మరింతగా విషమించిందని వైద్యులు తెలిపారు. అమెకు చికిత్స చేస్తున్న అందుకు ఆమె శరీరం స్పందించడం లేదని వైద్యులు తెలిపారు. దీంతో ఆమెను హైదరాబాద్ కు తరలించాలని నిర్ణయించారు. ఆమె శరీరంలో ప్లేట్‌లెట్లు పడిపోయాయని, రక్తం ఎక్కిస్తుంటే ఇన్ఫెక్షన్లు వస్తున్నట్టు వైద్యులు తెలిపారు.

గుండెపోటుతో ఈ నెల 26న విశాఖపట్టణంలోని పినాకిల్ ఆసుపత్రిలో చేరిన ఆమె రక్తంలోని ప్లేట్‌లెట్లు క్రితం రోజు రాత్రికి 60 వేలకు పడిపోయాయి. హిమోగ్లోబిన్ శాతం కూడా చాలా తక్కువగా ఉంది. దీంతో ఆమెకు రక్తం ఎక్కించేందుకు చేసిన ప్రయత్నాలు ఫలించడం లేదని పినాకిల్ అస్పత్రి వైద్యులు తెలిపారు. అయితే అమె శరీరంలోకి రక్తం ఎక్కిస్తుండగా.. ఇన్ఫెక్షన్లు తలెత్తుతుండడంతో వైద్యులు ఆ ప్రయత్నాన్ని విరమించుకున్నారు.

మరోవైపు అదే ఆసుపత్రిలో చికిత్స పొందుతున్న ప్రతిభా భారతి తండ్రి జస్టిస్ పున్నయ్య ఆరోగ్యం నిలకడగా ఉన్నట్టు వైద్యులు తెలిపారు. అనారోగ్యంతో అస్పత్రిలో చేరి చికిత్స పోందిన ఆయన క్రమంగా కొలుకుంటున్నారని కూడా వైద్యులు తెలిపారు. ఆయనను చూసేందుకని వచ్చిన ప్రతిభాభారతి ఒక్కసారిగా అస్వస్థతకు గురైన విషయం తెలిసిందే. కాగా, ఆసుపత్రిలో చికిత్స పొందుతున్న ప్రతిభా భారతిని మంత్రి కళావెంకట్రావు, ఎంపీ రామ్మోహన్ నాయుడు, ప్రభుత్వ విప్ కూన రవికుమార్ తదితరులు పరామర్శించారు.