జయ మృతి మిస్టరీ: శశికళ, అపోలో అసుపత్రులకు నోటీసులు

Posted: 12/22/2017 03:03 PM IST

తమిళనాడు దివంగత ముఖ్యమంత్రి ‘అమ్మ’ జయలలిత మృతికి సంబంధించిన కేసు విచారణను న్యాయస్థానం వేగవంతం చేసింది. జయలలిత మరణంపై పలు అనుమానాలు వ్యక్తం చేసిన పలువురు.. న్యాయస్థానాలను అశ్రయించి పిటీషన్లు కూడా ధాఖలు చేశారు. ఈ నేపథ్యంలో ఈ పిటీషన్లను గతంలోనే విచారణకు స్వీకరించిన న్యాయస్థానం.. తాజాగా విచారణను మాత్రం వేగవంతం చేసింది.

జయలలిత మరణం కేసులో మిస్టరీని తేల్చేందుకు ఇప్పటికే ఒక రిటైర్డు న్యాయమూర్తితో కమీషన్ ను వేసిన న్యాయస్థానం..దాని అధ్వర్యంలోనే దర్యాప్తు జరుగుతుందని చెప్పింది. కాగా ఈ కమిషన్ అధ్వర్యంలోనే కేసు విచారణ వేగిరమయ్యింది. ఈ కేసులో బెంగళూరులోని పరప్పణ అగ్రహార జైల్లో శిక్ష అనుభవిస్తున్న జయలలిత నెచ్చెలి శశికళకు సమన్లు జారీ చేసింది.

అమెతో పాటుగా చెన్నై అపోలో అసుపత్రికి యాజామాన్యానికి కూడా మద్రాస్ హైకోర్టు మాజీ న్యాయమూర్తి జస్టిస్ ఏ ఆరుముగస్వామి నేతృత్వం వహిస్తున్న కమీషన్ నోటీసులను అందజేసింది. తాము నిర్ధేశించిన గడువులోగా అమ్మ మరణంపై సమాధానాలను ఇవ్వాలని అదేశించింది. ఈ క్రమంలో అపోలో అసుపత్రికి 10 రోజుల పాటు గడువును నిర్ధేశించిన న్యాయస్థానం.. జైలు శిక్ష అనుభవిస్తున్న శశికళకు మాత్రం పక్షం రోజుల గడువును ఇచ్చింది.