రెచ్చగొట్టే వ్యాఖ్యలు.. తప్పుంటే నిరూపించండి

Posted: 11/17/2017 08:56 AM IST

నేషనల్ కాన్ఫరెన్స్ అధ్యక్షుడు, జమ్మూకశ్మీర్ మాజీ ముఖ్యమంత్రి ఫరూఖ్ అబ్దుల్లా సంచలన వ్యాఖ్యలు చేసిన సంగతి తెలిసిందే. పాక్‌ ఆక్రమిత కశ్మీర్‌ (పీవోకే)పాకిస్థాన్ కు చెందినదేనంటూ ఆయన చేసిన వ్యాఖ్యలు తీవ్ర దుమారం రేపాయి. దీనిపై కేంద్ర మంత్రి హన్స్ రాజ్ ఆహిర్ తీవ్రస్థాయిలో స్పందిస్తూ.. పీవోకేను భారత్ చేజిక్కించుకోవాలనుకుంటే ఎవరూ ఆపలేరని తెలిపారు.

అయితే తండ్రి ఫరూఖ్ కు మద్ధతుగా ఇప్పుడు కొడుకు, మాజీ ముఖ్యమంత్రి ఒమర్ అబ్దుల్లా చేసిన వ్యాఖ్యలు మంట పుట్టిస్తున్నాయి. మాటలు చెప్పటం కాదు.. పీవోకేను వెనక్కి తీసుకురావాలని అంటున్నాడు. దమ్ముంటే.. తన తండ్రి (ఫరూఖ్ అబ్దుల్లా) మాటలను తప్పని చేతల్లో నిరూపించాలని ఆయన సవాలు విసిరారు.‘‘మేం ప్రయత్నిస్తే అని అంటున్నారు. దాని అర్థమేమిటో ఎవరికీ తెలియడం లేదు’’ అని ఒమర్ చెప్పుకొచ్చారు. చేతనైతే పీవోకే ను భారత్ లో కలిపి చూపించండి అంటూ సవాల్ విసిరాడు.

కాగా, పీవోకే పాక్ దేనన్న ఫరూఖ్.. జమ్ము కశ్మీర్ మాత్రం భారత్ దేనని వ్యాఖ్యానించారు. ఈ క్రమంలో ఇరు దేశాలు ఎన్ని యుద్ధాలు చేసిన, ఒప్పందాలు చేసుకున్నా అన్నీ వృథా అవుతాయని ఆయన అభిప్రాయపడ్డారు.

I don’t understand the “if we try”. What is stopping you from getting it back? Prove Dr Abdullah wrong with your actions rather than with hollowed out words. https://t.co/doAWc5m7g4

— Omar Abdullah (@OmarAbdullah) November 16, 2017