శిరీష కేసులో తేజస్వినీ వాంగ్మూలం ఇదే..

Posted: 06/27/2017 05:09 PM IST

బ్యూటీషియన్‌ శిరీష అనుమానాస్పద మృతి కేసులో అసలు సమస్యకు కారణమైందని అరోపణలు ఎదుర్కొంటున్న సాఫ్ట్ వేర్ ఇంజనీర్ తేజస్విని తొలిసారిగా స్పందించారు. ఎవరికి వారు నిర్ధోషులమని, తమకు శిరీషపై ఎలాంటి కోపం లేదని బాహటంగా చెప్పుకుంటున్న క్రమంలో తెరపైకి వచ్చిన రాజీవ్ గర్ల్ ఫ్రెండ్ తేజస్విని కూడా అదే వాదనను వినిపించింది. జూబ్లీహిల్స్ పోలీసులకు ఇచ్చిన వాంగ్మూలంలో శిరీష ఆత్మహత్య తనకు చాలా బాధ కలిగించిందని ఆమె తెలిపారు. ఇంత చిన్న విషయానికి ఆమె ఆత్మహత్య చేసుకుంటుందని తాను అనుకోలేదని చెప్పారు.

రాజీవ్ ను తాను ప్రేమించానని, అయితే రాజీవ్ తనను పూర్తిగా మోసం చేశాడని తెలిపారు. రాజీవ్ ను పెళ్లి చేసుకోవాలని నిర్ణయించుకున్నానని చెప్పారు. రాజీవ్ తో ఫ్రేస్ బుక్ లో ప్రెండ్ షిఫ్ చేసిన తరువాత క్రమంగా నన్నిహతంగా మారేందుకు కూడా కారణమైందని తెలిపారు. రాజీవ్ కోసమే బెంగుళూరులోని తన ఉద్యోగాన్ని హైదరాబాద్ కు ట్రాన్స్ ఫర్ చేయించుకున్నానని చెప్పారు. రాజీవ్ ప్రవర్తన అనుమానాస్పందగా వుండటంతో.. వారి తల్లిదండ్రులను కూడా కలిసి తన కోరికను విన్నవించానని చెప్పారు. అయితే వారు కూడా అందుకు అంగీకరించలేదని తెలిపారు.

శిరీష రాజీవ్ తో చాలా చనువుగా ఉండటం చూసి ఓర్వలేకపోయానని, తాను పెళ్లి చేసుకోవాలని భావించిన వ్యక్తితో పరాయి స్త్రీని చనువుగా వుంటే ఎవరు మాత్రం ఊరికే వుంటారని ప్రశ్నించారు. దీందో తాను చాలాసార్లు శిరీషతో గొడవపడ్డానని తెలిపారు. ఈ విషయమై శిరీష, తాను పోలీసు స్టేషన్ వరకు కూడా వెళ్లి ఫిర్యాదు చేసుకున్నామని చెప్పారు. శిరీష వల్లే రాజీవ్‌ తనను దూరం పెడుతున్నాడన్న అనుమానం కలిగిందని తెలిపారు. రాజీవ్‌కు తెలియకుండా శిరీషతో ఫోన్‌లో చాలాసార్లు గొడవపడ్డానని వెల్లడించారు. కాగా తనకు గుర్తుతెలియని వ్యక్తుల నుంచి కూడా చాలాసార్లు బెదిరింపు ఫోన్ కాల్స్ వచ్చాయని తేజస్వినీ తెలిపారు.