జగన్ హత్య.. ముమ్మాటికీ వైసీపీ కుట్రే!

Posted: 06/12/2017 03:34 PM IST

జగన్ ఛాంబర్ లో వర్షపు నీరు లీకేజీ వ్యవహారంపై ప్రభుత్వ, ప్రతిపక్షాల మధ్య విమర్శలు శృతిమించుతున్నాయి. ఒకానోక టైంలో వైకాపా అధినేత వైఎస్ జగన్ ను హత్య చేసేందుకు యత్నిస్తున్నారంటూ ఆరోపణలు లేవనెత్తారు. విద్యుత్ షార్ట్ సర్య్కూట్ తో జగన్ ను హత్య చేసేందుకు కుట్ర పన్నారని ఫైర్ బ్రాండ్ రోజా తీవ్ర స్థాయిలో ధ్వజమెత్తింది. అయితే అలాంటి అవసరం తమకు ఏ కోశాన కూడా లేదని టీడీపీ నేత, ఏపీ పౌరసరఫరాల సంస్థ చైర్మన్‌ ఎం లింగారెడ్డి వ్యాఖ్యానించాడు.

అనుమానాలు ఉన్నప్పుడు వైకాపా స్వయంగా ఎందుకు పోలీసులకు ఫిర్యాదు చేయలేదని ప్రశ్నిస్తూ వైసీపీ వ్యవహర శైలిపై అనుమానం వ్యక్తం చేశాడు. ఓ అసమర్థ నేత విపక్షంలో ఉండగా, తమకెంతో లాభం కలుగుతోందనే టీడీపీ భావిస్తోందన్నాడు. అసలు జగన్ ను అడ్డు తొలగించుకునేందుకు వైకాపా నేతలే కుట్రలు చేసి వుంటారన్న అనుమానం తమకుందని చెప్పాడు. ఇక దివంగత ముఖ్యమంత్రి వైఎస్ రాజశేఖర్ రెడ్డి మృతి భూమన కరుణాకర్ రెడ్డి అనుమానాలు వ్యక్తం చేయటంపై కూడా విరుచుకుపడ్డాడు.

చనిపోయిన ఎనిమిదేళ్ల తర్వాత సందేహాలు వ్యక్తం కావటం ఏంటని ప్రశ్నించాడు. ఇక తండ్రి మరణించగానే పదవీ కోసం శవ రాజకీయాలు చేసిన ఘనత జగన్ దేనని దుయ్యబట్టారు. వైకాపా నేతలు ఉద్యోగులను బెదిరిస్తున్నారని, గనుల కాంట్రాక్ట్ దక్కలేదన్న అక్కసుతోనే చెవిరెడ్డి చౌకబారు ఆరోపణలకు దిగుతున్నారని ఆరోపించిన లింగారెడ్డి, అధికారులను భయపెట్టే సంస్కృతి వైకాపాదేనని, విచారణలో అసలు నిజాలు వెలుగు చూస్తాయని తెలిపాడు.