చంపితే క్యాష్ బోనస్... మీడియా మిస్టెక్?

Posted: 04/21/2017 08:36 AM IST

డ్రగ్స్ మాఫియా ఫిలిప్పీన్స్‌ ను పట్టి పీడిస్తున్న అతి పెద్ద సమస్య. మాఫియా వర్సెస్ ప్రభుత్వానికి దశాబ్దాలుగా కొనసాగుతున్న వార్ లో 9000 మంది ఇప్పటిదాకా చనిపోయాడు. ఇక ప్రస్తుత అధ్యక్షుడు రోడ్రిగో డుటర్టే కూడా వచ్చినప్పటి నుంచి వాళ్లనే అణచి వేసే పనిలో ఉన్నాడు. ఇక ఇప్పుడు ఆయన జారీ చేసిన ఓ ప్రకటన సంచలనంగా మారింది. పని లేని యువత, పోలీసులు డ్రగ్స్ ముఠా సభ్యులను చంపితే ప్రైజ్ మనీని ఇస్తున్నట్లు తెలిపాడు. పిలిప్ఫైన్ నేషనల్ పోలీస్(పీఎన్ పీ) కి చెందిన ఓ ఇద్దరు సీనియర్ అధికారులు ఓ అంతర్జాతీయ మీడియా సంస్థకు ఇచ్చిన ఇంటర్వ్యూలో ఈ విషయాలను వెల్లడించారు.

అయితే డ్రగ్స్‌ సరఫరా చేస్తున్నారని తెలిస్తే చంపిపడేయ్యాలని, తనకు సమాచారం ఇస్తే హతమారుస్తామని ఇచ్చిన పిలుపుపై అధ్యక్ష కార్యాలయం స్పందించింది. దానితో రోడ్రిగోకు ఎలాంటి సంబంధం లేదని వివరణ ఇచ్చింది. ఇంకోపక్క పోలీస్ శాఖ కూడా ఈ విషయంలో ఓ ప్రకటన చేసింది. అయితే సదరు ఛానెల్ సంస్థ మాత్రం ఆ అధికారుల పేర్లు వెల్లడించకుండా వారిచ్చిన ఇంటర్వ్యూ ఆడియోను రిలీజ్ చేసేందుకు సిద్ధమైంది.

డ్రగ్ మాఫియా వంకతో అమాయకుల ప్రాణాలు కూడా పోతున్నాయని అక్కడి ప్రజలు వాపోతున్నారు. రోడ్రిగో పదవీ భాద్యతలు చేపట్టాక ఫిలిప్పీన్స్ లో ఇంచుమించు తుడిచి పెట్టుకుపోయింది. డ్రగ్స్ అన్నమాట కూడా అక్కడ బహిరంగంగా వినిపించడం లేదు. మరోపక్క తీవ్రవాద అనే మరో సమస్య దేశాన్ని పట్టి పీడిస్తుందని భావిస్తున్న రోడ్రిగో టెర్రరిస్ట్ లను అంతమొందించేందుకు పౌరుల చేతికి మారణాయుధాలు ఇవ్వాలనే అభిప్రాయాన్ని వ్యక్తం చేయటం కలకలం రేపుతోంది. తీవ్రవాద నిర్మూలనకు పౌరులను సాయుధులను చేయాలని అనుకుంటున్నానని అన్నారు. దీనిపై స్థానిక నేతలు అభ్యంతరం వ్యక్తం చేస్తున్నప్పటికీ తాను కూడా పౌరులతోనే నడుస్తానని స్వయంగా ఆయనే ప్రకటించటం విశేషం.