అధికారిక లాంఛనాలతో అమ్మకు అంత్యక్రియలు

Posted: 12/06/2016 02:24 AM IST

అన్నాడీఎంకే అధినేత్రి, తమిళనాడు ముఖ్యమంత్రి, తమిళుల పురచ్చి తలైవి జయలలిత ఆకస్మికంగా అనంతలోకాలకు తరలివెళ్లడంతో యావత్ తమిళనాడులో విషాధఛాయలు అలుముకున్నాయి. కాగా, జయలలిత అంత్యక్రియులను ఈ నెల 6న సాయంత్రం అధికారిక లాంఛనాల మధ్య నిర్వహించనున్నారు. చెన్నైలోని మెరినా బీచ్ లో అన్నాడీఎంకే వ్యవస్థాపకులు, సీనీనటులు, మాజీ ముఖ్యమంత్రి ఎంజీ రామచంద్రన్ సమాధి పక్కన జయలలితకు కూడా సమాధిని ఏర్పాటు చేయనున్నారు.

జయలలిత అంత్యక్రియలను అధికారిక లాంఛనాల మధ్య నిర్వహించనున్నారు, కాగా అమ్మను కడసారి చూసేందుకు జాతీయ స్థాయి నాయకులతో పాటు వివిధ రాష్ట్రాల నేతలు, తమిళనాడుకు చెందిన పలు పార్టీల నేతలు కూడా హాజరుకానున్నారని సమాచారం. అమ్మ మరణించిందన్న వార్తలు మధ్యహ్నం నుంచి తమిళ ఛానెళ్లలో వెలువడుతున్న నేపథ్యంలో సాయంత్రం నుంచి పలు దుకాణాలు, వ్యాపార కేంద్రాలు, వాణిజ్య సముదాయాలు స్వచ్ఛంధంగా మూసివేశారు. అభిమానులు పెద్ద సంఖ్యలో అపోలో అస్పత్రికి చేరారు.