రిపబ్లికన్ పార్టీ తరపున అగ్రరాజ్యం అమెరికా అధ్యక్ష బరిలో నిలిచిన డొనాల్డ్ ట్రంప్ ప్రస్తుత దేశాధ్యక్షుడు బరాక్ ఒబామా, తన ప్రత్యర్థి డెమొక్రటిక్ పార్టీ అభ్యర్థి హిల్లరీ క్లింటన్ లపై నిప్పులు చెరిగారు. తాను పట్టిన కుందేలుకు మూడే కాళ్లు అన్న రీతిలో బలమైన వితండవాదానికి తెరలేపుతున్న డోనాల్డ్ ట్రంప్.. తాజాగా అమెరికాలో జరిగిన ఆర్లెండో నైట్ క్లబ్ మారణహోమాన్ని కూడా తన ప్రచారాస్త్రంగా మార్చుకుని దానిపై తాను ఇటీవల చేసిన వ్యాఖ్యలను బలంగా సమర్థించుకుంటున్నారు.
అంతేకాదు తన ప్రత్యర్థి క్లింటన్ సహా అధ్యక్షుడు ఒబామా తన వ్యాఖ్యలను తప్పబట్టడాన్ని ఆయన తీవ్రంగా వ్యతిరేకిస్తున్నారు. అర్లెండోలో జరిగిన నరమేధాన్ని ఒబామా తీవ్రంగా వ్యతిరేకించలేదని విమర్శించిన ట్రంప్.. 'రాడికల్ ఇస్లాం' అనే పదం వాడటంలో చాలా వ్యత్యాసమే ఉందని పేర్కొన్నారు. టెర్రరిస్టులపై యుద్ధాన్ని ప్రకటించడంలో భాగంగా ఇలాంటి పదాలను వాడటం సరైన చర్యగా చెప్పుకొచ్చారు. అసలు సమస్య ఏంటన్నదే ఒబామాకు తెలియదని చెప్పుకోచ్చాడు.
దీంతో పాటు ప్రస్తుతం ప్రపంచంలో ఏ రకమైన ఉగ్రవాదం ఉంది ?, దాని ప్రభావం ఎలా ఉండబోతుందన్న విషయాలపై చర్చించనంత వరకూ ప్రస్తుత అధ్యక్షుడికి దానిపై అవగాహనా రాదంటూ మండిపడ్డారు. సమస్యలే తెలియనప్పుడు వాటిపై తగిన చర్యలు తీసుకునే స్థాయిలో ఒబామా లేరని విమర్శించారు. అట్లాంటాలో జరిగిన ర్యాలీలో పాల్గొన్న ట్రంప్.. రాజకీయంగా కరెక్ట్ అని చెప్పుకోవాలనుకుంటున్న ఒబామా, ఉగ్రవాదంపై తగిన చర్యలు తీసుకోవడం విఫలమయ్యారని అభిప్రాయపడ్డారు.
డెమొక్రటిక్ పార్టీ అభ్యర్థి హిల్లరీకి అయినా 'రాడికల్ ఇస్లాం' అనే పదం ఎందుకు వాడకూడదో తెలుసా లేదా అని ప్రశ్నించారు. ప్రస్తుత నాయకులు బలహీనులు కావడం, ఉగ్రవాదంపై నియంత్రణ చర్యలు తీసుకోలేని కారణంగానే ఒర్లాండో దాడి జరిగిందన్నారు. ఇలాంటి ఘటనలు జరుగుతాయని తాను ముందే చెప్పినా అధ్యక్షుడు ఒబామా పట్టించుకోలేదని వివరించారు. ఒబామా చెప్పిన విషయాలను హిల్లరీ గుడ్డిగా ఫాలో అవుతున్నారని, ఆమెకంటూ సరైన విధానాలు లేవని డొనాల్డ్ ట్రంప్ ఎద్దేవా చేశారు.
మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more