నిజంగా వింతే.. కవలలే కానీ.. తండ్రులు మాత్రం వేరు..

Posted: 03/09/2016 01:02 PM IST

Dna test shows vietnam twins had different fathers

వియత్నాంలో పుట్టిన ఇద్దరు కవలలు పెద్ద చర్చకే తెరలేపారు. ఇద్దరు కవలలు ఒకేలా కాకుండా విభిన్నంగా కనబడుతుండటంతో రెండేళ్ల తరువాత.. అనుమానం వచ్చిన పిల్లల తండ్రి.. ఎందుకిలా జరుగుతుంది. కవల పిల్లలు అయితే ఒకేలా వుంటారు కదా..? మరి తన ఇద్దరు కవల పిల్లలో ఎందుకీ మార్పులు కనిపిస్తున్నాయిని సందేహాన్ని వ్యక్తం చేయడంతో అసలు విషయం బయటపడింది. సాధారణంగా అన్నీ దేశాలలో మాదిరిగానే వియత్నాంలో రెండేళ్ల క్రితం జన్మించిన ఇద్దరు కవలలు.. సామాన్యమైన కవలలు మాత్రం కాదని వైద్యులు తేల్చేశారు.

అదేం వాళ్లలో ఏమిటీ ప్రత్యేకత అనుకుంటున్నారా..? వివరాల్లోకి వెళ్తే.. వియత్నాం ఉత్తర ప్రాంతం హోయా బిన్హ్ లో ఈ విచిత్ర ఘటన చోటుచేసుకుంది. ప్రస్తుతం ఆ కవల చిన్నారుల వయసు రెండేళ్లు. ఓ చిన్నారికి జట్టు చాలా పలుచగా ఉండగా, మరో కవల చిన్నారికి ఎక్కువ వెంట్రుకలు ఉన్నాయి. ఏదో సందేహం వచ్చిన చిన్నారుల తండ్రి డీఎన్ఏ టెస్టుల కోసం కవలల్ని ఆస్పత్రికి వెళ్లారు. కవలలు పుట్టిన సమయంలో డాక్టర్లు పొరపాటుగా చిన్నారుల్ని తారుమారు చేశారేమేనని ఆయన అనుమానపడ్డారు.

పరీక్షలు నిర్వహించిన డాక్టర్లు ఆ కవలలకు అసలు తల్లి ఆమెనని, కానీ తండ్రులు మాత్రం వేరని చెప్పారు. కవలలకు ఫాదర్స్ ఇద్దరు ఉండటం చాలా అరుదైన సంఘటన అని చెబుతున్నారు. మహిళ అండం జీవితకాలం 12 నుంచి 48 గంటలు ఉంటుందని, ఈ సమయంలో ఇద్దరు వ్యక్తుల వీర్యకణాలతో అవి పిండంగా మారడంతో ఇద్దరు కవలలు ఈ విధంగా పుడతారని డీఎన్ఏ టెస్ట్ చేసిన వైద్యులు వివరించారు. ఈ విషయం తెలిసి ఆశ్చర్యపోవడం ఆ తల్లిదండ్రుల వంతు అయింది. రెండో చిన్నారికి తండ్రి ఎవరన్న అనుమానం వారిలో మొదలైంది.

మనోహర్