చంద్రబాబుకు బ్యాడ్ టైం.. కారణం అదే

Posted: 12/15/2015 09:01 AM IST

కాల్ మనీ వివాదంలో తెలుగుదేశం పార్టీ నాయకుల ప్రమేయం ఉన్నట్లు దాదాపుగా తేలిపోయింది. దాంతో ప్రస్తుతం ఏపి సిఎం నారా చంద్రబాబు నాయుడు మీద, ఆయన ప్రభుత్వం మీద అన్ని పక్షాలు విమర్శలు గుప్పిస్తున్నాయి. కాల్‌మనీ వివాదంపై హైకోర్టు ఆధ్వర్యంలో విచారణ జరిపించాలని వైఎస్సార్ సీపీ అధ్యక్షుడు, ప్రతిపక్ష నేత జగన్‌మోహన్‌రెడ్డి డిమాండ్ చేశారు. సీఎం చంద్రబాబుకు ఏ మా త్రం చిత్తశుద్ధి ఉన్నా రాష్ట్రప్రభుత్వం కాకుం డా నేరుగా హైకోర్టు ఆధ్వర్యంలో విచారణ జరిగేలా చూడాలని సూచించారు. చంద్రబాబు అండ చూసుకుని సాగించిన కాల్‌మనీ రాక్షసకాండకు ఆయనే బాధ్యత వహించాలి అని జగన్ స్పష్టం చేశారు.

చంద్రబాబు ఓటుకు నోటు కేసులో తప్పించుకునేందుకే తెలంగాణ ముఖ్యమంత్రి కేసీఆర్ కాళ్ళు పట్టుకొని బైటపడ్దరాని వైసీపీ అధికార ప్రతినిధి అంబటి రాంబాబు తెలిపారు. తెలంగాణలో కేసీఆర్ తలపెట్టిన మహా చండీయాగానికి చంద్రబాబును ఆహ్వానించడానికి వచ్చిన తీరు చూస్తే కుమ్మక్కు రాజకీయాలు కనిపిస్తున్నాయన్నారు. చంద్రబాబును నమ్ముకున్న రేవంతరెడ్డి ఓటుకు నోటు కేసులో జైలుకు వెళ్ళివస్తే, చంద్రబాబు మాత్రం కేసీఆర్ తో చెట్టపట్టాలు వేసుకుని తిరుగుతున్నారన్నారు. చంద్రబాబు కేసు నుండి తప్పించుకునేందుకు నమ్ముకున్న రేవంతరెడ్డినే మోసం చేస్తున్నాడన్నారు. కాల్ మనీ కేసులో మొదటి ముద్దాయి ఏపి సిఎం నారా చంద్రబాబు నాయుడే అని కాంగ్రెస్ సీనియర్ నేత తులసీ రెడ్డి ఆరోపించారు.