ఇద్దరు చంద్రుల బోజనంలో నోరూరించే మెనూ..!

Posted: 12/14/2015 01:18 PM IST

Chandrababu special lunch for kcr with pure andhra dishes for telangana cm kcr

ఇద్దరు తెలుగు రాష్ట్రాల ముఖ్యమంత్రులు.. అధికార పగ్గాలు చేపట్టిన తరువాత తొలిసారి కలసి భోజనం చేశారు. అయుత మహా చండీయాగానికి ఆంధ్రప్రదేశ్ ముఖ్యమంత్రి చంద్రబాబును ఆహ్వానించేందుకు ముఖ్యమంత్రి కె.చంద్రశేఖర్‌రావు సోమవారం విజయవాడకు వెళ్లిన సందర్భంగా అద్భుతమైన ఆతిథ్యాన్ని ఇచ్చేందుకు చంద్రబాబు నివాసంలో ఏర్పాట్లు చేశారు. ఈ నేపథ్యంలో కేసీఆర్ కోసం నోరూరించే 15 రకాల వంటకాలతో కూడిన మెనూను చంద్రబాబు సిద్ధం చేయించారు.

తన ఇంటికి సమీపంలోని హెలిపాడ్ లో దిగిన కేసీఆర్ కు ఏపీ మంత్రులు యనమల రామకృష్ణుడు, నిమ్మకాయల చినరాజప్ప, కింజరాపు అచ్చెన్నాయుడు, రావెల కిశోర్ బాబు, కామినేని శ్రీనివాస్ తదితరులు ఘన స్వాగతం పలికారు. ఆ తరువాత చంద్రబాబు నివాసంలోకి వెళ్లగానే ఆయన కూడా బయటికి వచ్చి కేసీఆర్ ను అహ్వానించారు. చండీయాగానికి కుటుంబసమేతంగా హాజురుకావాలని కోరుతూ ఆయన ఆహ్వాన పత్రిక కూడా ఇచ్చారు.

ఆ తరువాత కేసీఆర్ కు చంద్రబాబు నాయుడు అచ్చమైన 16 అణాల షడ్రుచుల బొజనాన్ని వడ్డించారు. కేసీఆర్ కు అచ్చ తెలుగింటి రుచులతో బోజనం వడ్డించారు. గోంగూర, ఉలవచారు, నాటుకోడి పులుసు, టమోటా పప్పు, మజ్జిగ పులుసు, మునక్కాయ సాంబారు, బిరియానీ, గడ్డ పెరుగులతో పాటు పూతరేకులు, కాజాలు వంటి స్వీట్స్, వివిధ రకాల పండ్లతో బోజనం చేసిన ఇద్దరు సీఎంలు పలు అంశాలపై చర్చించారు. కాగా కేసీఆర్ తో పాటు మంత్రి ఈటల రాజేందర్, ఎంపీ బాల్క సుమన్‌లు బేగంపేట నుంచి ప్రత్యేక హెలికాప్టర్‌లో విజయవాడకు వెళ్లారు.

జి. మనోహర్