బక్రీద్ రోజున విషం కక్కిన దాయాధి విషనాగు.. స్వచ్చందం పేరుతో చందాలు.. నిర్వహించేది ఉగ్ర కార్యకలాపాలు

Posted: 09/25/2015 09:46 PM IST

Hafiz saeed crowd funding rs 3 500 crores for terrorist activities against india

ముంబై దాడుల సూత్రధారి హఫిజ్ సయీద్ బక్రీద్ పండగ పర్వదినం రోజున భారీ టార్గెట్ పెట్టుకున్నాడు. దాయాధి దేశంలో వున్న విషనాగులా బసలు కొడుతూ.. అసుల విషయాన్ని ఇవాళ్ల కక్కాడు. అయన తాను స్థాపించిన జమాతే ఉద్ దవాహ్ ఉగ్రవాద సంస్థ కోసం 3,500 కోట్ల రూపాయల చందా వసూలు చేస్తున్నాడు. ఎందకంటే ఆయన టార్గట్ భారత దేశమే. భారత్‌ను దెబ్బతీసేందుకు చేపట్టాల్సిన కార్యక్రమాల కోసం ఈ డబ్బును వినియోగిస్తారు. ఉగ్రవాదులకు శిక్షణ, ఆయుధాల కొనుగోలు, ఉగ్రవాదంవైపు కాశ్మీర్ యువతను ఆకర్షించడం టార్గెట్‌గా హఫిజ్ ఈ చందా వసూలు చేస్తున్నాడు.

పాక్ ప్రభుత్వం, సైన్యం సాయంతో ఇప్పటికే భారత్‌ను ఇబ్బంది పెడుతున్న హఫిజ్ సయీద్ తాజాగా 3,500 కోట్ల రూపాయల చందా సేకరించడంపై నిఘావర్గాలు దృష్టి సారించాయి. జమాత్ ఉద్ దవా అనే స్వచ్ఛంద సంస్థ మాటున ఉగ్రవాదాన్ని నడుపుతూ.. వచ్చిన చందాలన్నీ భారతలో విధ్వంసం సృష్టించడానికే వెచ్చిస్తున్నాడు. పైగా డబ్బు సేవ కోసమే అని కాకమ్మ కబుర్లు చెబుతున్నాడు. ఈ నేపథ్యంలో ఇవాళ బక్రీద్ పార్థనల అనంతరం పాకిస్థాన్ ప్రభుత్వంపై ఆయన విమర్శలు గుప్పించారు. పాకిస్తాన్ ప్రభుత్వం కాశ్వీర్ లోని ముస్లింల గురించి ఏమీ ఆలోచించడం లేదని, వారి స్వతంత్రానికి ఏలాంటి చర్యలు చేపట్టడం లేదని విమర్శించాడు. కాగా, జైష్ ఎ మహ్మద్ అనే ఉగ్రవాద సంస్థ కూడా బక్రీద్ రోజున పెద్ద ఎత్తున చందాలు సేకరించింది.

జి. మనోహర్