విద్యా వాలంటీర్ల భర్తీకి టి సర్కార్ సిద్దం

Posted: 08/25/2015 08:51 AM IST

Telangana govt approved to fill the vidya volunteer in the state

సర్కారు బడుల్లో విద్యావాలంటీచర్ల నియామకానికి రాష్ట్ర ప్రభుత్వం పచ్చజెండా ఊపింది. రాష్ట్రవ్యాప్తంగా 7,983 మంది విద్యావాలంటీర్లను ప్రభుత్వ పాఠశాలల్లో నియమించనున్నారు. విద్యావాలంటీర్లను భర్తీ చేయడానికి ముఖ్యమంత్రి కెసిఆర్‌ అనుమతి ఇచ్చారని ఉప ముఖ్యమంత్రి కడియం శ్రీహరి చెప్పారు. రాష్ట్రంలో పాఠశాలల హేతుబద్ధీకరణ, ఉపాధ్యాయుల బదిలీలు, పదోన్నతుల ప్రక్రియ పూర్తయిందన్నారు. జిల్లాల వారీగా పాఠశాలల్లో ఎస్జీటీలు, స్కూల్‌ అసిస్టెంట్లు ఎంత మంది అవసరమో ఖాళీల వివరాలను సేకరించామని చెప్పారు. ఈ విద్యాసంవత్సరంలో విద్యార్థులు నష్టపోకుండా ఖాళీలలో విద్యావాలంటీచర్ల నియామకానికి చర్యలు తీసుకుంటామని వివరించారు. జిల్లా స్థాయిలో కలెక్టర్‌ అధ్యక్షతన కమిటీ నియమిస్తూ మార్గదర్శకాలు త్వరలో జారీ చేస్తామని తెలిపారు. సెప్టెంబర్‌లోగా విద్యావాలంటీర్ల నియామకాలు పూర్తి చేస్తామని అన్నారు. టీచర్ల ఖాళీలపై హైకోర్టు ఇచ్చిన ఆదేశాలను శిరసావహిస్తామని చెప్పారు. వచ్చే విద్యాసంవత్సరంలో డిఎస్సీ ప్రకటిస్తామని తెలిపారు. ఈ ఏడాది డిఎస్సీ ప్రకటిస్తే నియామకాల ప్రక్రియకు 5,6 నెలల సమయం పడుతుందని వివరించారు. దీనివల్ల విద్యార్థులకు నష్టం కలుగుతుందని తెలిపారు. విద్యార్థులకు నష్టం కలగకుండా ఉండేందుకే విద్యావాలంటీర్లను నియమించనున్నామని తెలిపారు.

జిల్లాల వారీగా విద్యావాలంటీర్ల ఖాళీల వివరాలు..
ఆదిలాబాద్‌      -1244
నిజామాబాద్   -480
కరీంనగర్‌        -337
మెదక్‌           -1104
రంగారెడ్డి         -1408
హైదరాబాద్‌      -414
మహబూబ్‌నగర్‌ -1646
నల్గొండ           -362
వరంగల్‌          -314
ఖమ్మం           -674
మొత్తం...       -8,983