ఓటుకు నోటు కేసులో జనార్దన్ ఎవరు..?

Posted: 07/07/2015 04:09 PM IST

Telangana acb pronounced janardhan name in the cash for vote case

ఓటుకు నోటు కేసులో అరెస్టు చేసిన సండ్ర వెంకట వీరయ్యకు సంబందించి తెలంగాణ ఏసీబీ కోర్టులో వాదిస్తు.. సండ్ర వెంటకవీరయ్య వ్యవహారంతో పాటుగా మరో కొత్త పేరును తెర మీదకు తీసుకువచ్చింది. జనార్దన్ అనే వ్యక్తితో సండ్ర సంప్రదింపులు జరిపారని, జనార్దన్ అనే వ్యక్తికి సంబందించిన వివరాలు తెలిపాయాలంటే సండ్ర వెంకటవీరయ్యను తమ కస్టడీకి అప్పగించాలని ఏసీబీ వాదించింది. అయితే అసలు ఈ జనార్దన్ అనే వ్యక్తి ఎవరు..? నిన్నటి వరకు జిమ్మి అనే పేరు విని ఎవరా అనుకున్న వారికి మరో కొత్త పేరు రావడం నిజంగా ఆశ్చర్యంగా అనిపిస్తోంది. అయితే జనార్దన్ అనే వ్యక్తి సండ్ర చేస్తున్న వ్యవమారంపై ఎప్పటికప్పుడు సమాచరం అందుకుంటున్నారని, అసలు మొత్తం వ్యవహారం జనార్దన్ అనే వ్యక్తి కనుసనల్లోనే నడిచిందని ఏసీబీ అధికారులు బావిస్తున్నారు.

అసలు ఎవరీ జనార్దన్..? సండ్ర తరఫు మనిషా..? లేదా తెలుగుదేశం పార్టీ తరఫున రాయబారం నడిపిన వ్యక్తా..? జనార్దన్ అన్న పేరు వాడుకలో మాత్రమే వాడారా..? అసలు పేరు వేరే ఉందా..? ఫోన్ రికార్డ్ ల ఆధారంగా వచ్చిన సమాచారం పక్కాగా నిజమూనా..? లేదా సండ్ర తరుచుగా మాట్లాడే దగ్గరి వ్యక్తినా..? ఇలా ప్రశ్నల వర్షం వస్తూనే ఉంది కానీ సమాధానం మాత్రం లేదు. అయితే నిన్నటి దాకా జిమ్మి అనే కొత్త పేరు తెర మీదకు వస్తే తాజాగా జనార్దన్ అనే పేరు తెర మీదకు వచ్చింది. అసలు ఓటుకు నోటు వ్యవహారంలో ఎంత మంది ఉన్నారు..? రేవంత్ రెడ్డితో ప్రారంభమైన నిందితుల జాబితా అంతకంతకు పెరుగుతూనే ఉంది. మరి ఇంకా ఎంత మంది ఈ జాబితాలో చేరుతారు అన్నది ప్రశ్న. అయితే రేవంత్ రెడ్డిని తప్పించి.. కేసును డైవర్ట్ చెయ్యడానికే ఇలా కొత్త వాళ్ల పేర్లు తెర మీదకు వస్తున్నాయా అనే అనుమానం కూడా కొంత మంది వ్యక్తం చేయడం గమనార్హం. మరి మొత్తానికి ఓటుకు నోటు కేసు ఎటు తిరిగి ఎటు పోతుందో చూడాలి.

By Abhinavachary