ఏపి ఇంటర్ సెకండియర్ ఫలితాలు విడుదల

Posted: 04/28/2015 11:22 AM IST

ఆంధ్రప్రదేశ్ ఇంటర్మీడియెట్ సెకండియర్ ఫలితాలను . ఏపీ మానవ వనరుల అభివృద్ధిశాఖ మంత్రి గంటా శ్రీనివాసరావు  కర్నూలులో విడుదల చేశారు. మొత్తం 2,90,789 మంది విద్యార్థులు ఉత్తీర్ణులయ్యారు. మొదటి స్థానంలో కృష్ణా- 83% జిల్లా ఉండగా చివరి స్థానంలో కడప-50% ఉత్తీర్ణత సాధించింది. గతంలో లాగా ఈ ఏడాది కూడా ఇంటర్ సెకండియర్ లో బాలికలదే పై చేయి. బాలికలు-74.80శాతం,  బాలురు-69.43శాతం ఉత్తీర్ణత సాధించారు. ఫలితాల్లొ ఎ గ్రేడ్- 72.07శాతం,  బి గ్రేడ్ -29.1శాతం,  సి గ్రేడ్-1 12.7శాతం, డి గ్రేడ్- 3.3 శాతం ఉత్తీర్ణ సాధించారు. గతంలో పోలిస్తే ఉత్తీర్ణత 1.19 పెరిగిందని గంటా శ్రీనివాస్ వెల్లడించారు. మే 25 నుండి సప్లిమెంటరీ పరీక్షలు నిర్వహించనున్నట్లు మంత్రి తెలిపారు.  ఈ కార్యక్రమంలో ఉప ముఖ్యమంత్రి కేఈ కృష్ణమూర్తి, ప్రిన్సిపల్ సెక్రటరీ సిసోడియా, ఇంటర్ బోర్డు కార్యదర్శి, కమిషనర్ ఎంపీ సత్యనారాయణ పాల్గొన్నారు.

ఇంటర్ సెకండియర్ ఫలితాలను ప్రభుత్వ వెబ్‌సైట్లలో ఉంచారు. ఫలితాలను అప్పటికపుడు తెలుసుకునేందుకు వీలుగా పరిష్కారం కాల్ సెంటర్ల ద్వారా ఏర్పాట్లు చేశారు. అభ్యర్ధులు 1100 నెంబర్‌కు ఫోన్ చేసి లేదా 18004254440 నెంబర్‌కు ఫోన్ చేసి తెలుసుకోవచ్చు. ఎయిర్‌టెల్ వినియోగదారులు 5207051కు, వోడాఫోన్ వినియోగదారులు 58888711కు, మిగిలిన వినియోగదారులు 58888కు ఫోన్ చేసి మార్కులు పొందవచ్చు. ఐపిఇ టైప్ చేసి స్పేస్ ఇచ్చి హాల్‌టిక్కెట్ నెంబర్‌తో 54242కు మెసెజ్ పంపించి మార్కులు పొందవచ్చు. ఫలితాలను ప్రకటించే వెబ్‌సైట్లు: http://examresults.ap.nic.in, http://results.cgg.gov.in