జింబాంబ్వేముందు 332 పరుగుల లక్ష్యాన్ని పెట్టిన ఐర్లాండ్

Posted: 03/07/2015 01:06 PM IST

ఐసీసీ క్రికెట్ వరల్డ్ కప్‌లో భాగంగా హోబర్ట్ వేదికగా జరిగుతున్న మ్యాచ్‌లో ఐర్లాండ్ 332 పరుగుల భారీ లక్ష్యాన్ని జింబాబ్వే ఎదుట ఉంచింది. టాస్ ఓడి బ్యాటింగ్‌కు దిగిన ఐర్లాండ్ నిర్ణీత 50 ఓవర్లలో 8 వికెట్ల నష్టానికి 331 పరుగులు చేసింది. ఎడ్ జాయీసీ శతకంతో అదరగొట్టాడు. 103 బంతుల్లో తొమ్మిది ఫోర్లు, మూడు సిక్స్ లతో రాణించి 112పరుగులు చేశాడు. అతనితో పాటు బల్బిర్నే 97 పరుగులతో రాణించి కొద్దిలో సెంచరీని చేజార్చుకున్నాడు. దీంతో ఐర్లాండ్ 332 పరుగుల భారీ స్కోరు చేసింది.

వీరిద్దరూ మూడో వికెట్‌కు 138 పరుగుల భారీ స్కోరు జత చేశారు. వీరిద్దరూ ఔట్ కాగానే తరువాత వచ్చిన బాట్స్ మెన్లు అంతగా రాణించలేక పోయారు. పోర్టర్‌ఫీల్డ్ 29, స్టిర్లింగ్ 10, కెవిన్ ఒబ్రియాన్ 25, విల్సన్ 25, మూనీ 10, నెల్ ఒబ్రియాన్ 2, డాక్రెల్5(నాటౌట్), కుసాక్ 2(నాటౌట్) పరుగులు చేశారు. జింబాబ్వే బౌలర్లలో చతరా, విలియమ్స్‌లు చెరో మూడు వికెట్లు తీయగా, పన్యగరకు ఒక వికెట్ దక్కింది.

జి మనోహర్