అద్భుతం : ఆధారం లేకుండా.. ఆకాశంలో నడక...

Posted: 11/04/2014 10:48 AM IST

విదేశాల్లో అప్పుడప్పుడు కొంతమంది కొన్ని అనూహ్యమైన సాహసాలు చేసి ప్రపంచాన్ని ఆశ్చర్యానికి గురిచేస్తుంటారు. అలా అని మన దేశంలో లేవని చెప్పడంలేదులెండి.. వాళ్లకు అవకాశాలొస్తాయి కాబట్టి ప్రదర్శిస్తారు.. ఇక్కడున్న వాళ్లకు తమ ప్రతిభను నిరూపించుకునేందుకు ఛాన్సెస్ రావు.. అంతే తేడా! సరే ఆ విషయాలను కాస్త పక్కనపెడితే.. తాజాగా 35 ఏళ్ల నిక్ వాలెండా ప్రపంచంలోనే ఓ అరుదైన సాహసాన్ని చేసి అందరినీ అబ్బురపరిచేశాడు. తాను ఎటువంటి రక్షణ సహాయం లేకుండానే కేవలం ఒక బ్యాలెన్స్ డ్ కర్రతో సుమారు 500 అడుగుల ఎత్తులో ఒక తాడుమీద నడిచి.. ఔరా అనిపించాడు.

అమెరికాలోని షికాగోలో భారీ ఎత్తుగా వున్న రెండు బిల్డింగుల నడుమ డిస్కవరీ ఛానెల్ ఇతడి కోసం ఒక బలమైన తాడును ఏర్పాటు చేయించింది. ఆ తాడుపై నిక్ ఎటువంటి రక్షణ తాడు లేకుండా కేవలం తన బ్యాలెన్స్ డ్ కర్రతో ఎంతో సునాయాసంగా నడిచేశాడు. ఇంకొక విషయం ఏమిటంటే.. ఒకవేళ ఇతను జారీకిందపడినా.. ఇతనిని పట్టుకోవడానికి కింద నెట్స్ గానీ ఇతర సౌకర్యాలు ఏమీ ఏర్పాటు చేయించలేదు. అయినా ఏమాత్రం తడపడకుండా రక్షణలు లేకుండానే ఇతడు అంతటి ఎత్తుపై నడిచి అందరినీ ఆశ్చర్యానికి గురిచేశాడు.

ఈ స్టంట్ ను రెండుసార్లు పూర్తిచేసిన ఈ హీరో.. మొదట కళ్లు తెరుచుకుని వేగంగా నడిస్తే.. రెండోసారి కళ్లు మూసుకుని కాస్త ఆలస్యంగా ముగించాడు. నడిచేశాడు. ఒక స్టంట్ ను 6 నిముషాల 2 సెకెండ్లలో పూర్తి చేస్తే.. మరొక స్టంట్ ను 1 నిముషం 15 సెకెండ్లలో పూర్తి చేశాడు. అంత ఎత్తులో చల్లనిగాలి వీస్తున్నా వాటిని లెక్కచేయకుండా స్టంట్ పూర్తిచేయడం విశేషం! నిజానికి నిక్ గతంలో ఈ తరహాలోనే ఎన్నో స్టంట్ చేసేవాడు. అంతరూ రహదారుల ఫుట్ పాత్ ల మీద నడుచుకుంటూ వెళితే.. ఇతను మాత్రం దానికి అమర్చిన ఐరన్ రాడ్ మీద నడుస్తూ అందరినీ షాక్ కు గురిచేసేవాడు. అలా అలవాటుపడిన ఇతను.. నేడు భారీ ఎత్తులో నడిచి రికార్డు సాధించాడు. గతంలో ఇతని ముత్తాత కార్ల్ 1978లో ఇలా సాహసం చేసి కిందపడి ప్రాణాలు కోల్పోయాడు కానీ ఇతను మాత్రం తన ముత్తాత కలను పూర్తిచేశాడు.