రాహుల్ గాంధీ విసిరేసిన ఒక పెద్ద జోకర్ : కాంగ్రెస్ నేత

Posted: 09/22/2014 09:38 PM IST

(Image source from: kerala congress party vice president TH mustafa controversial comments on rahul gandhi)

సాధారణంగా ఏ పార్టీ నాయకుడైనా తమతమ పార్టీలో వున్న నేతల్ని ఎట్టిపరిస్థితుల్లోనూ విమర్శలు చేసుకోరు. తమ మధ్య ఎన్ని గొడవలు, వైరుధ్యాలు వున్నప్పటికీ ఒక్కొక్కరు మాట్లాడుకోరుగానీ.. ఒకరిపై మరొకరు ఆరోపణలు చేసుకోరు. ఒకవేళ అటువంటి ఆలోచన తట్టినా.. తమ రాజకీయ భవిష్యత్తు ఏమవుతుందోనని భయపడి అలా చేయరు. కానీ కాంగ్రెస్ పార్టీలో మాత్రం అలా కాదు. సీనియర్ నాయకులనే కాదు.. ఏకంగా పార్టీ అధినాయకత్వాన్ని కూడా ఆ పార్టీకే చెందిన నేతలు ఏకాపారేస్తుంటారు. దేశంలో ఏ పార్టీలో లేనివిధంగా కాంగ్రెస్ పార్టీలో ప్రజాస్వామ్యం ఫరిడవిల్లుతుంటుంది. అందుకు ఉదాహరణగా తాజాగా జరిగిన ఒక సంఘటనను చెప్పుకోవచ్చు.

కేరళ రాష్ట్ర కాంగ్రెస్ ఉపాధ్యక్షుడు అయిన టీహెచ్ ముస్తఫా, ఏఐసీసీ ఉపాధ్యక్షుడు రాహుల్ గాంధీపై తీవ్ర వ్యాఖ్యలు గుప్పించారు. రాహుల్ గాంధీలో అసలు నాయకత్వ లక్షణాలే లేవని ఆయన ఎద్దేవా చేశారు. రాహుల్ కాంగ్రెస్ పార్టీలోనే ఒక పెద్ద జోకర్ అని అన్నారు. అతడు పార్టీ నుంచి విసిరేయబడిన ఒక నేత అని దుయ్యబట్టారు. రాహుల్ లాంటి అసమర్థులు కాంగ్రెస్ పార్టీకే దెబ్బ అనే రీతిలో నోటికొచ్చినట్లు తిట్టిపడేశారు. అయితే ఈ నేపథ్యంలో ప్రధాని మోడీని మాత్రం ఆయన ఆకాశానికెత్తేశారు. కాశ్మీర్ వదదలను ఎదుర్కోవడంలో, ఇరాక్ లో చిక్కుకుపోయిన భారతీయుల్ని వెనక్కి తీసుకురావడంలో మోడీ చూపి ఆత్మస్థైర్యం తిరుగులేదని ఆయన కొనియాడారు. తమ పార్టీ అధ్యక్షుడ్ని తిట్టరాని తిట్లతో తిట్టేసి.. ప్రత్యర్థి పార్టీ నాయకుడ్ని పొగడటం చూస్తుంటే.. ఆయన కూడా పార్టీ మారే ఆలోచనలో వున్నట్టు కనిపిస్తోంది. ఏదేమైనా ప్రపంచంలోనే కాంగ్రెస్ పార్టీ చాలా విచిత్రమైనదిగా కనిపిస్తోందని విశ్లేషకులు చెప్పుకుంటున్నారు.