ప్రపంచం త్వరలోనే అంతం కాబోతోందంటూ శాస్త్రవేత్తలు గతంలో ఎన్నో పరిశోధనలు చేసి నిర్ధారించారు కానీ... ఇంతవరకు వాటికి సంబంధించిన సంకేతాలు అయితే రాలేదు. అప్పట్లో 2012లో భూమి అంతం ఖాయమని వార్తలు వచ్చిన నేపథ్యంలో దానిమీద ఒక సినిమాను కూడా తెరకెక్కించారు. మాయన్ క్యాలెండర్ కూడా 2012 తరువాత తేదీలను చూపించడం లేదని శాస్త్రవేత్తలు చెప్పిన తరుణంలో.. ఇక యుగాంతం రావడం తథ్యమేనంటూ అందరూ నిశ్చయించుకున్నారు. అయితే 2012 దాటిపోయింది... అక్కడి నుంచి సేఫ్ గా ప్రస్తుతం 2014వ సంవత్సరంలో హాయిగానే జీవితాన్ని కొనసాగిస్తున్నాం. యుగాంతానికి సంబంధించి వార్తలు రావడం కూడా మాయమైపోయాయి. ఇక దాని గురించి ఆలోచించడమే వేస్ట్ అంటూ శాస్త్రవేత్తలు కూడా సైలెంట్ గా కూర్చుండిపోయారు.
అంత సవ్యంగానే కొనసాగుతోంది కదా అంటూ అనుకుంటున్న క్రమంలోనే... ఒక ప్రాంతంలో వచ్చిన భూకంపం యుగాంతం కథను మళ్లీ తెరలేపినట్టు కనిపిస్తోంది. నార్త్ వెస్ట్ మెక్సికోలోని హర్మసిల్లో, కాలిఫోర్నియాలోని గల్ఫ్ ప్రాంతాల మధ్య వున్న హైవే 26 వద్ద దాదాపు కిలోమీటరుకు పైగా భూమి చీలిపోయిన దృశ్యం ఇప్పుడు ప్రపంచవ్యాప్తంగా పెద్ద దుమారం రేపుతోంది. దాదాపు 26 అడుగుల లోతు, 16 అడుగుల వెడల్పు మేర భూమి చీలిపోయింది. దీనిని చూసిన ప్రతిఒక్కరు షాక్ కు గురయ్యారు. శాస్త్రవేత్తలు కూడా ఈ దృశ్యాన్ని చూసి నివ్వెరపోయారు. ప్రపంచవ్యాప్తంగా అన్ని ప్రాంతాల్లో భూకంపం సంభవించిన విషయాలు అటుంచితే.. ఇటువంటి దృశ్యాన్ని తామెప్పుడూ చూడలేదంటూ వారు ఆశ్చర్యపోతున్నారు.
ఈ దృశ్యాన్ని చూసిన ఒక శాస్త్రవేత్త అయితే.. భూకంపం సంభవించడం వల్లే భూమి చీలిపోయి వుంటుందని.. దీని గురించి పెద్దగా పట్టించుకోవాల్సిన అవసరం లేదని చెప్పుకొచ్చాడు. అయితే సివిల్ ఇంజనీర్ రాఫెల్ రోడ్రిగ్జ్ మాత్రం.. ‘‘స్థానికంగా వుండే రైతులు నిర్మించిన కట్టలమూలంగా వర్షం నీరు నిలిచిపోవడంతో ఇది ఇలా చీలిపోయి వుంటుంది’’ అని పేర్కొంటున్నాడు. ఇలా రకరకాల శాస్త్రవేత్తలు తమతమ అభిప్రాయాలను వెల్లడిస్తూన్నారే కానీ.. దీనిపై సరిగ్గా దృష్టి మాత్రం సారించడం లేదు. కానీ కొంతమంది విశ్లేషకులు ఈ దృశ్యాన్ని చూసిన అనంతరం ఇది యుగాంతానికి సంకేతమంటూ వాపోతున్నారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more