జైరాం రమేష్ కు తాకిన సమైక్య సెగ – కడపలో స్టీల్ ప్లాట్ ?

Posted: 02/26/2014 07:10 PM IST

కేంద్ర మంత్రి జైరాం రమేష్ తిరుపతి పర్యటన నిమిత్తం  ఈరోజు ఎయిర్ ఇండియా  విమానం రేణిగుంట చేరుకున్నారు.  ఈ విషయం తెలుసుకున్న సమైక్య వాదులు, వైఎస్ఆర్ కాంగ్రెస్  పార్టీ నాయకులు, కార్యకర్తలు   కేంద్ర మంత్రి జైరాం  రమేష్ ను  అడ్డుకున్నారు.  పెద్ద ఎత్తున  నినాదాలు  చేస్తూ.. జైరాం గో బ్యాక్ అంటూ  ప్లకార్డులతో   రహదారికి అడ్డంగా బైఠాయించారు.  ఎంతసేపటికి  సమైక్యవాదులు వెనక్కి తగ్గకపోవటంతో.. కేంద్రమంత్రి  జైరాం  తిరిగి రేణిగుంట విమానాశ్రయంలోపకిలి వెళ్లిపోయారు.  

 ఈ నేపథ్యంలో విమానాశ్రయం వద్ద పోలీసులకు, సమైక్యవాదులకు  తోపులాట  చోటుచేసుకుంది.  పోలీసులు తీవ్రంగా ప్రతిఘటించటంతో.. వైఎస్ఆర్ కాంగ్రెస్ నాయకుడు చెవిరెడ్డి భాస్కరెడ్డి ఆద్వర్యంలో  రాస్తారోకో  నిర్వహించారు.  

పరిస్థితి అదుపుతప్పుతున్న సమయంలో  పోలీసు బలగాలు..  సమైక్యవాదులను, వైఎస్ఆర్ కాంగ్రెస్  నాయకులను అదుపులోకి తీసుకున్నారు.  అయితే సీమాంద్ర మహిళలు కూడా జైరాం వాహనాలకు   అడ్డుపడి , సమైక్యవాదులకు  మద్దతుగా నిలించారు.   

ఎంపీ చింతా మోహన్ కూడా అక్కడికి చేరుకోని, సమైక్యవాదులకు మద్దతు తెలిపారు. అయితే ఒకనోక  సమయంలో ఎంపీ చింతా మోహన్ పోలీసుల తీరు పై ఆగ్రహం వ్యక్తం చేయటం జరిగింది. ఎంపీ రాకతో సమైక్యవాదులు రెచ్చిపోవటంతో రంగంలోకి జిల్లా ఎస్ రాజశేఖర్ బాబు విమానాశ్రయం వద్దకు  చేరుకొని కేంద్రమంత్రి  జైరాం రమేష్ను  ప్రత్యేక   కాన్వాయ్ లో  తిరుపతి తీసుకెళ్లారు. 

జైరాం రమేష్  మీడియాతో  మాట్లాడుతూ..  సీమాంద్ర  అభివ్రుద్దికి  బిజేపి ఎలాంటి డిమాండ్ చేయలని  ఆయన అన్నారు.  సీమాంద్ర  అభివ్రుద్ది కట్టుబడి ఉన్నామని  అన్నారు. అందుకే   విశాఖ  నుంచి చెన్నై వరకు  పారిశ్రామిక  కారిడార్, కడప జిల్లాలో స్టీల్ ప్లాంట్  ఏర్పాటు  చేస్తామన్నారు. 

-ఆర్ఎస్