బెంగుళూరు దాడి నింధుతుడు అరెస్ట్ ?

Posted: 11/21/2013 12:53 PM IST

గత రెండు రోజుల క్రితం బెంగుళూరులోని ఓ ఏటీఎం సెంటర్ లోకి చొరబడి జ్యోతి ఉదయ్ అనే మహిళ పై అతి కిరాతకంగా దాడి చేసి ఆమెను తీవ్రంగా గాయపర్చిన సంఘటనకు సంబంధించిన ఓ అనుమానితుడిని ఈ రోజు పోలీసులు అరెస్టు చేశారు. గత రెండు రోజుల నుండి తీవ్రంగా గాలిస్తున్న పోలీసులు నేడు హిందూపురం పట్టణంలో ఓ దుకాణంలో సెల్ ఫోన్ విక్రయిస్తుండగా ఓ అనుమానితుడిని అదుపులోకి తీసుకున్నారు. అతన్ని అరెస్ట్ చేసి కర్ణాటకకు తరలించారు. ప్రస్తుతం పోలీసు విచారణలో ఉన్న అతను హిందూపురానికే చెందిన వాడు కావడం విశేషం.

ఇతడు దాడి చేసిన వ్యక్తా, లేక అనుమానితుడా అనేది పోలీసులు ఇంకా తేల్చలేదు. ఇక ఆ కిరాతకుడి దాడిలో గాయపడిన జ్యోతి ఉదయ్ పరిస్థితి అంత్యంత దయనీయంగా ఉంది. ఆమెకు పక్షవాతం రావడంతో ఓకాలు, చేయి పడిపోయాయి. ఆ కిరాతకుడు దాడి చేయడంతో కపాలం పగిలి మెదడులోకి చిన్న ఎముక వెళ్లినట్లు వైద్యులు చెప్పారు. . ఆమె పరిస్థితి విషమంగా ఉందని వైద్యులు వెల్లడించారు.