Posted: 09/06/2012 01:16 PM IST

 అతడో నాజూకు దొంగ. ఇళ్లలోనో, బ్యాంకులోనే దూరి దొంగతనం చేయడం రిస్క్ అనుకున్నాడేమో! శ్రీలంక రాజధాని కొలంబోలో జరుగుతున్న అతిపెద్ద వజ్రాల ప్రదర్శన వైపు అయస్కాంతంలా అతడి చూపులు వెళ్లిపోయాయి. క్షణం ఆలస్యం చేయకుండా చైనా నుంచి కొలొంబోకు ప్రయాణం కట్టాడు చౌవాన్(32). డైమండ్ ఎగ్జిబిషన్‌లోకి దూరేసి.. దర్జాగా ఓ షాపు దగ్గరికెళ్లాడు. ఓ వజ్రాన్ని చేతిలోకి తీసుకున్నాడు."బాగుందోయ్ ఎంతేం టి దీని ధర'' అంటూనే చటుక్కున నోట్లో వేసుకుని మింగేశాడు. వీడెవడో మాంచి కేటుగాడులా ఉన్నాడే! అని భయపడిన షాపు యజమాని పోలీసులకు సమాచారమిచ్చాడు. వారొచ్చి చౌవాన్‌ను తిన్నగా ఆస్పత్రికి తీసుకెళ్లారు. డాక్లరు విరేచనం మందు ఇవ్వగా.. చౌవాన్ కడుపులోంచి డైమండ్ పరుగులు పెడుతూ బయటకు వచ్చేసింది. డైమండ్ షాపుకు.. చౌవాన్ జైలుకు వెళ్లిపోయారు.