Posted: 09/05/2012 05:46 PM IST

 ముసలి వయసులో  ఉన్న వారికి  అడుగులు తూలిపడిపోవడం  తరచూ ఎదురయ్యే సమస్య. దీనివల్ల  చాలా మంది  వ్రుద్దులు తీవ్రమైన గాయాలపాలవుతుంటారు.  కొన్నిసార్లు ప్రాణాంతకమవుతుంది కూడా.  ఈ సమస్య  నివారణకు మాంఛెస్టర్ విశ్వవిద్యాలయం పరిశోధకులు.. పడిపోవటానికి  ముందే హెచ్చరించే ఎలక్ర్టానిక్  కార్పెట్ ను రూపొందించారు.  దీంట్లో  ఉన్న ప్లాస్టిక్  ఆప్టికల్  ఫైబర్లు  వాటికి  అనుసంధానమై ఉంటే సెన్సర్లు.. కార్పెట్ పై నడుస్తున్న వారి పాదాల కదలికలను  గమనిస్తుంటాయి. తూళి పడిపోయే అవకాశం  కనిపించగానే తక్షణం హెచ్చరిక సంకేతాలు పంపిస్తాయి.  దీంట్లో కార్పెట్  మీద నడుస్తున్న వారు జాగ్రత్త పడటానికి  అవకాశం లభిస్తుంది.  ఈ కార్పెట్  వ్యక్తుల శరీరంలోని జీవరసాయనిక మార్పులను కూడా పసిగట్టి  వారి ఆరోగ్య గురించి తెలియజేయగల సామర్థ్యం  దీనికి ఉందని  శాస్త్రవేత్తలు తెలియజేశారు.