Posted: 07/14/2012 04:47 PM IST

మన రాజకీయ నాయకులు భూ దందాలకు పాల్పడుతుంటారనేది మనందరికి తెలిసిన విషయమే. ఈ భూదందాలు ఎక్కువగా మన హైదరాబాద్ నగరంలో చేస్తుంటారు. కేసు నమోదు అయినా చర్య తీసుకునే వారు ఉండరు. కానీ మొదటి సారిగా భూ కబ్జా కేసులో శేరిలింగంపల్లి ఎమ్మెల్యే బిక్షపతి యాదవ్ విచారణను ఎదుర్కొనబోతున్నాడు. ఇతడు శేర్‌లింగంపల్లిలోని నలగండ్ల చెరువులో రెండన్నర ఎకరాలు  కబ్జా చేశారని జనం కోసం సంస్థ ప్రతినిధి అయిన భాస్కర్ రెడ్డి లోకాయుక్తాకు ఫిర్యాదు చేశాడు. మీడియాలో వచ్చిన కథనాల ఆధారంగా సుమోటోగా స్వీకరించిన లోకాయుక్త రంగారెడ్డి జిల్లా కలెక్టర్ ని విచారణ చేపట్టవలసిందిగా ఆదేశించింది. అయితే తనపై వచ్చిన ఆరోపణలు అవాస్తవమని, ఆ భూమితో తనకు ఎలాంటి సంబంధం లేదని ఎమ్మెల్యే భిక్షపతి యాదవ్ స్పష్టం చేశారు.