Posted: 03/28/2012 01:02 PM IST

త్వరలో రాష్ట్రపతి ఎన్నికలు జరగనున్న నేపథ్యంలో ఈ పోటీ రేసులో పలువురి పేర్లు వినిపిస్తున్నాయి. రాష్ట్రపతి రేసులో ప్రస్తుత ఉప రాష్ట్రపతి అన్సారీతో పాటు, కాంగ్రెస్ లో కీలకనేత, ఆర్థిక మంత్రి ప్రణమ్ ముఖర్జీ తో ఆ పార్టీ సీనియర్ నేత కరణ్ సింగ్ ల పేర్లు ప్రముఖంగా వినిపిస్తున్నాయి.

ఇక ఉపరాష్ట్రపతి అభ్యర్థి రేసులో పంజాబ్ ముఖ్యమంత్రి ప్రకాష్ సింగ్ బాదల్ ఉన్నట్లు వార్తలు వస్తున్నాయి. ఈ విషయాన్ని యూపీఏ లోని కీలక నేత వెల్లడించినట్లు సమాచారం. ఈయన పేరు వెల్లడించకపోయినా వివిధ రాష్ట్రాల్లో బీజేపీ అధికారంలో ఉండటంతోపాటు కీలకమైన యూపీ, తమిళనాడు, బెంగాల్ రాష్ట్రాలు ప్రాంతీయ పార్టీల పాలనలో ఉన్నాయి. అందువల్ల యూపీఏకి వెలుపలి పార్టీవారే ఉప రాష్ట్రపతి పదవికి సరైన ఎంపికగా భావిస్తున్నట్లు ఆయన అన్నారు.