Posted: 01/27/2012 10:54 AM IST

పశ్చిమబెంగాల్ ముఖ్యమంత్రి మమతా బెనర్జీ అసలు వయసు సర్ట్ఫికెట్లలో పేర్కొన్న అధికారిక వయసు కన్నా ఐదేళ్లు తక్కువ. స్కూల్ ఫైనల్ ఎగ్జామినేషన్ రాయడానికి గాను ఆమె వయసును తండ్రి ఐదేళ్లు ఎక్కువ రాయించారు. ఇందుకోసం తప్పుడు పుట్టిన తేదీ ధ్రువీకరణ పత్రం సృష్టించారు. ఈ వాస్తవాన్ని మమతా బెనర్జీయే స్వయంగా వెల్లడించారు. ‘నా మరచిపోలేని జ్ఞాపకాలు’ అనే పుస్తకంలో ఆమె ఈ విషయం తెలిపారు. దీని వల్ల తన జన్మదినం మారిపోవడంతో పాటు వయసు ఐదేళ్లు ఎక్కువ పడిందని వివరించారు. మమతా బెనర్జీ అక్టోబర్ 5న జన్మించారు. కాని సర్ట్ఫికెట్లలో ఆమె పుట్టిన తేది జనవరి 5గా ఉంది. ముఖ్యమంత్రి కావడానికి ముందు లోక్‌సభ సభ్యురాలిగా ఉన్న మమతా బెనర్జీ పుట్టిన తేదీని లోక్‌సభ వెబ్‌సైట్‌లో కూడా జనవరి 5, 1955గా పేర్కొన్నారు.