Posted: 01/01/2012 01:44 PM IST

కొత్త సంవత్సరం రోజు అందరు ఆనందంగా గడుపుతుంటే.. సుప్రీంకోర్టు న్యాయవాది, కేంద్ర న్యాయశాఖ మాజీ మంత్రి, ప్రస్తుత ఎంపీ రాంజెఠ్మలానీ కుమార్తె రాణి జెఠ్మలానీ ఈరోజు ఉదయం కన్నుమూశారు. సుధీర్ఘకాలంగా అనారోగ్యంతో బాధపడుతున్న ఆమె స్థానిక బ్రీచ్‌క్యాండీ ఆస్పత్రిలో చికిత్స పొంది, ఇటీవలే డిశ్చార్జి అయ్యారు. పరిస్థితి విషమించి ఈరోజు ఉదయం తన నివాసంలో ఆమె కన్నుమూశారని కుటుంబ సభ్యులు తెలిపారు. రాణి న్యాయవాదిగానే కాక, సామాజిక కార్యకర్తగా మంచి పేరు తెచ్చుకున్నారు. ఆమె మృతిపై రాజకీయ, అధికార ప్రముఖులు పలువురు సంతాపం వ్యక్తం చేశారు.