అన్నపూర్ణాదేవి అలంకారంలో కనకదుర్గ-తోపులాట

Posted: 10/07/2013 08:50 PM IST

కాంగ్రెస్ రాష్ట్ర వ్యవహారాల ఇంచార్జి దిగ్విజయ్ సింగ్ రాష్ట్ర విభజనపై రోజుకో మాట మాట్లాడుతూ సీమాంధ్ర ప్రజలను రెచ్చగొడుతున్నారని ఎమ్మెల్యే మల్లాది విష్ణు అన్నారు. విజయవాడలో ఈరోజు సమైక్యాంధ్రకు మద్దతుగా దీక్ష చేపట్టిన ఆయన మీడియాతో మాట్లాడుతూ..గత 67 రోజులుగా సీమాంధ్ర ప్రజలు స్వచ్చందంగా సమైక్యాంధ్ర కోసం ఉద్యమాలు చేస్తుంటే కేంద్ర ఏమాత్రం పట్టించుకోవడంలేదన్నారు. విభజనకు టిడిపి, వైసిపిలు ఇచ్చిన లేఖలే కారణమని అన్నారు. విభజన నేపథ్యంలో ఇరు ప్రాంతాల ప్రజలు సంయమనం పాటించాలని

 

తోపులాట

జిల్లాలో వైసీపీ కార్యకర్తలు ఎంపీ లగడపాటి ఇంటిని ముట్టడించేందుకు ప్రయత్నించారు. దీనితో తీవ్ర ఉద్రిక్త పరిస్థితులు తలెత్తాయి. పోలీసులు వారిని అడ్డుకోవడంతో ఇరువర్గాల మధ్య వాగ్వాదం, తోపులాట జరిగింది. లగడపాటికి వ్యతిరేకంగా నినాదాలు చేశారు.

 

అన్నపూర్ణాదేవి అలంకారంలో కనకదుర్గ

 

దసరా శరన్నవరాత్రి ఉత్సవాల్లో భాగంగా ఇంద్రకీలాద్రి పై కొలువై ఉన్న కనకదుర్గాదేవి ఈరోజు అన్నపూర్ణాదేవి అలంకారంలో భక్తులకు దర్శనమిచ్చారు. అమ్మ వారిని దర్శించుకునేందుకు ఈరోజు ఉదయం నుంచే భక్తులు ఆలయానికి పెద్ద సంఖ్యలో తరలి వచ్చారు. ఈ సందర్భంగా ఆలయంలో ప్రత్యేక కుంకుమ పూజలు నిర్వహించారు.