భక్తులు మహారథాన్ని లాగేందుకు పోటీపడ్డారు

Posted: 10/12/2013 06:22 PM IST

తిరుమలలో శ్రీవారి బ్రహ్మోత్సవాలు అంబరాన్నంటుతున్నాయి. ఎనిమిదోరోజు ఉదయం తిరువీధుల్లో రథోత్సవం కన్నుల పండుగగా జరిగింది. పరిమళ భరిత పూమాలలతో అందంగా అలంకరించిన మహారథంలో శ్రీదేవి, భూదేవి సమేత మలయప్పస్వామి భక్తులకు దర్శనం ఇచ్చారు. గోవిందనామ స్మరణతో ఆ ప్రాంతమంతా మారుమోగింది. భక్తులు మహారథాన్ని లాగేందుకు పోటీపడ్డారు. భజన బృందం, పలువురు కళాకారులు రథోత్సవంలో పాల్గొన్నారు. రాత్రికి స్వామివారు అశ్వవాహనంపై మాడ వీధుల్లో ఊరేగనున్నారు. దీంతో బ్రహ్మోత్సవాల్లో వాహన సేవలు పరిసమాప్తమవుతాయి. రేపు ఉదయం స్వామివారికి పుష్కరిణిలో చక్రస్నాన కార్యక్రమం జరుగుతుంది.