Posted: 12/06/2012 05:31 PM IST

కలియుగ దైవం అయిన శ్రీనివాసుడికే మొన్నటి వరకు నీటి కష్టాలు వచ్చాయి. తన దగ్గరికి వచ్చే భక్తులకు తాగేందుకు కూడా నీరు లేని పరిస్థితి వచ్చింది. భక్తుల కష్టాలు చూడలేని శ్రీనివాసుడు వారిని కరుణించాడు. అప్పపీడన ధ్రోణి కారణంగా తిరుపతిలో కురిసిన భారీ వర్షానికి తాగునీటికోసం నిర్మించిన డ్యాంలలో జలకళ ఉట్టిపడుతోంది.ఎన్నడూలేని విధంగా ఈ సంవత్సరం వేసవిలో తిరుమలలో నీటి ఎద్దడి తలెత్తింది. భక్తుల దాహార్తిని తీర్చడానికి నిర్మించిన డ్యామ్‌లలో నీరు అడుగంటడంతో భక్తులు భారీగా నీటి ఎద్దడినికి చవిచూశారు. అయితే ఇప్పడు కురిసిన భారీ వర్షాలతో తిరుమలలోని దాదాపుగా అన్ని డ్యామ్‌లలో నీళ్లు చేరాయి. పాపవినాశనం డ్యామ్ పూర్తిస్థాయికి చేరింది.  రెండు గేట్టు కూడా ఎత్తేశారు.5240 లక్షల గ్యాలన్ల నీటి నిల్వ సామర్థ్యం గల ఈ డ్యామ్‌లోకి వర్షపు నీరు భారీగా వచ్చి చేరుతోంది. 10 క్యూసెక్యుల నీరు చేరుతుండడంతో 7.5 క్యూసెక్కుల నీటిని దిగువ ప్రాంతాలకు విడుదల చేశారు. పాపవినాశనం డ్యామ్‌తో పాటు ఆకాశగంగా, కుమారధార, పసుపుధార, గోగర్బం డ్యామ్‌కూడా నిండే అవకాశం వుంది.  అన్ని  జలాశయాలు పూర్తిగా నిండితే మరో రెండు సంవత్సరాల పాటు భక్తులకు పుష్కలంగా నీటిని అందించవచ్చని టిటిడి అధికారులు  ఆనందం వ్యక్తం చేస్తున్నారు. జలాశయాలన్నీ పూర్తిస్థాయిలో జలకళను సంతరించుకోవడంతో త్వరలో  గంగపూజను నిర్వహించడానికి టిటిడి అధికారులు సిద్దమౌతున్నారు.