గోరువెచ్చని నీరుతో మంచి ఆరోగ్యం

Posted: 02/21/2014 05:56 PM IST

మనం ఆరోగ్యంగా వుండేందుకు నిత్యం తీసుకునే ఔషద పదార్థాలలో నీరు కూడా ఒకటి. నీటిని ఎంత ఎక్కువ తాగితే అంత మంచిది అంటున్నారు శాస్త్రవేత్తలు. మన శరీరంలో వుండే మలినాలను తొలగించడంలో నీరు ప్రధాన పాత్రను పోషిస్తుంది. అయితే గోరువెచ్చని నీరు తీసుకుంటే ఇంకా చాలామంచిదని చెబుతున్నారు నిపుణులు. మనం భోజనం చేసిన తర్వాత ఈ గోరువెచ్చని నీటిని తీసుకుంటే మంచి ఫలితం లభిస్తుందంటున్నారు. ఎందుకంటే.. మనం తీసుకున్న ఆహారాన్ని జీర్ణం అవడానికి కావలసిన ఎంజైములు, ఆమ్లాలను అధిక మోతాదులో ఉత్పత్తి చేయడంలో దోహదపడుతుంది. అందువల్ల ఆహారం తీసుకున్న తర్వాతగానీ లేదా ప్రతి అరగంటకు ఒకసారి గోరువెచ్చని నీరు తీసుకుంటే మేలని సూచిస్తున్నారు. 

అలాగే ఫ్రిజ్ వాటర్ గానీ, చల్లని నీరు గానీ ఎక్కువగా తాగొద్దని హెచ్చరిస్తున్నారు. దీనివల్ల గుండెకు సంబంధించిన వ్యాధులు, క్యాన్సర్ వంటి రోగాలు వచ్చే అవకాశం వుందని అంటున్నారు. అంతేకాదు.. చల్లని నీరు ఆహారాన్ని జీర్ణం చేయక, కొలెస్టిరాల్ పెరగడానికి దారితీస్తుంది. దీంతో కిడ్నీకి సంబంధించిన సమస్యలు కూడా రావొచ్చు. అదేవిధంగా గ్రీన్ టీని తాగడం వల్ల మనుషులు ఉత్తేజితులవుతారని సలహాలు కూడా ఇస్తున్నారు. ఇలా ఈ విధంగా ప్రతిరోజు గోరువెచ్చని నీరు తీసుకుంటే మనం ఆరోగ్యంగా సుఖంగా వుంటామని నిపుణులు తమ పరిశోధనల ద్వారా వెల్లడించారు.