శృంగారంలో పాల్గొంటే ఆరోగ్యానికి చాలా మంచిదట!

Posted: 02/21/2014 11:54 AM IST

అవును.. శృంగారంలో పాల్గొనడం ద్వారా ఆరోగ్యానికి ఎంతోమంచిదని చెబుతున్నారు శాస్త్రవేత్తలు. శృంగారం వల్ల శారీరక తృప్తిని పొందడమే కాక, మానసిక తృప్తి కూడా లభిస్తుందని అంటున్నారు. ‘‘అయినా ఇవన్నీ మనకు ముందే తెలుసు కదా.. ఇందులో చెప్పడానికి కొత్తదనం ఏముంది’’ అని అనుకుంటారా..? అయితే ఇక అసలు విషయానికి వచ్చేద్దాం... శాస్త్రవేత్తల పరిశోధనల ప్రకారం శృంగారం మన ఆరోగ్యకరమైన జీవితానికి ఒక ‘‘దివ్య ఔషదం’’లా పని చేస్తుందని చెబుతున్నారు. దీనివల్ల మైగ్రేన్ అనే వ్యాధి క్షణాల్లో మాయం అవుతుందని వారు పేర్కొంటున్నారు. 

అంతేకాదు... ప్రోస్టేట్ కేన్సర్ అనే వ్యాధి కూడా మన దరిచేరదు. శృంగారంలో ఎక్కువ సమయంలో పాల్గొంటే.. పురుషుల్లో సుమారు 100 కేలరీలు, అలాగే మహిళల్లో 69 కేలరీల వరకు ఖర్చవుతాయట. అంటే.. ఇది దాదాపుగా అరగంటసేపు ట్రెడ్ మిల్ పై పరిగెత్తినంత సమానం అన్నమాట. మెదడులో వుండే కణాలు ఉత్తేజితమవుతాయి. జీవక్రియల తీవ్రత కూడా ఆరు రెట్ల వరకు పెరుగుతుంది. అంటే ఇది 20 నిమిషాలపాటు టెన్నిస్ ఆటకు లేదా 40 నిమిషాలపాటు వ్యాయామం చేసేంత సమానం. శృంగారంలో పాలుపంచుకోవడం ద్వారా మన ముఖ్య అవయవాలైన గుండె, ఊపిరితిత్తులు, ఇంకా ఇతర అవయవాలకు ఒక మంచి కసరత్తులాంటిదని శాస్త్రవేత్తలు తమ పరిశోధనల ద్వారా వెల్లడించారు.